«Nur Otan» partıasy Tóraǵasynyń Birinshi orynbasary Muhtar Qul-Muhammed Astana halyqaralyq áýejaıyna Elbasy esiminiń berilýin qoldaıtynyn jetkizdi. Bul týraly búgin partıanyń Ortalyq apparatynda departament jetekshileriniń jáne oblystyq fılıal basshylarynyń qatysýymen ótken keńeıtilgen otyrysta belgili boldy.

Óz sózinde partıa Tóraǵasynyń birinshi orynbasary iri halyqaralyq áýejaılarǵa memlekettiń negizin salǵan tulǵalardyń esimin berý álemde bar tájirıbe ekenin atap ótti. Sondaı-aq, mundaı bastamany nurotandyqtardyń buǵan deıin de kóterip, aıtyp júrgenine toqtalǵan Muhtar Qul-Muhammed: «Táýelsiz memleketimizdiń ári Astanamyzdyń negizin salýshy Elbasymyz esiminiń halyqaralyq áýejaıǵa berilýin ábden zańdy qubylys dep bilemin. Amerıkada Nú-Iork áýejaıy Djon Kennedı, Stambýlda Atatúrik esimin ıelengen. Bul oqıǵanyń qazaqtyń atyn álemge tanytqan EHRO-2017 kórmesi kezinde oryn alýy óte durys boldy. Árdaıym halqynyń shynaıy qoldaýyna ıe bolyp, Qazaqstandy órkenıet bıigine bastap kele jatqan Elbasymyzdy álemdik qaýymdastyq elimizdiń sımvoly retinde qabyldaıdy. Sondyqtan barsha qazaqstandyqtardy búkil dúnıe júzine taraǵan qýanyshty jańalyqpen shyn júrekten quttyqtaımyn», – dedi.