Jaılaǵan jerim – jalǵan, kógim jalǵan,

Jalǵannan kelmeı jatyp kóńil qalǵan

Janmyn men

Bile-bilse bul adamdar,

Shynynda óleńmenen ómir jazǵan.

         Jatsa da ál-dármenniń bári bitip,

         Dámdiden káde kútken sary mysyq

         sekildi,

         26 jyl boldy mine,

         Joǵalǵan eldi izdeımin janushyryp.

Búginnen ótken shaqtyń baǵy basym

bolǵasyn myna elge neǵylasyń

Bir buldyr bolashaqqa bet burǵan soń

Amal joq ótkenińdi saǵynasyń.

         Kórgende shendilerin sharaı toptyń

         Kep turar zárdi solaı qaraı tókkim,

         Alysyp Adam-Qudaı ataýlymen

         Bilmeımin, myna kúnge qalaı jettim?

Jas alsam janaryma biraýyq kep

At qoıdy bu jurt maǵan jylaýyq dep.

Jylasam jylaımyn men: «Shendi ıtterge

Adamsha qarsy qarap turaıyq»–dep

İshinde júrmin desem kil mazaqtyń,

«Qudaıǵa» emes, kóntaban qulǵa jaqtym.

Bir japyraq júrektiń dirilimen

Kelemin zaryn aıtyp bul qazaqtyń.

         Qazaqty bólip ala, qulasyna

         Kim eken basshy bolǵan shyǵasyǵa?

         Ánekeı, has tulpardy piship tastap,

         Tuǵyrdyń baqyt qondy umasyna

Qazaqı emirenbese eren únge,

Bul elge perzent bolyp keregim ne?

Odan da Adam-Qudaı basymdy alyp,

Dókeıler toı ótkizsin ólerimde. 

Myrzan KENJEBAI, aqyn