Búginde turmystaǵy qıyndyq saldarynan kisi óltirgen 300 áıel kolonıadyn jazalaryn óteýde.
QR Bas prokýrory Jaqyp Asanov vedomstvoaralyq otyrysta turmystyq qıyndyqtardyń zardabyn tartqan otbasylarǵa qatysty sóz qozǵady, dep jazady Qamshy aqparattyq agenttigi.
Shyǵys Qazaqstan oblysynda áıel adam aldymen 3 balasyn ólitrip, keıinnen ózine qol jumsaǵan. Sebebi kúıeýi áıelin 11 jyl boıy sabap kelgen. Kúıeýi ǵana bolsa meıli dersiń, kúıeýiniń aǵasy men ákesi de qalyspaǵan.
Túrkistanda er adam 6 jaqynynyń janyn almaqshy bolǵan – anasy, áıeli, 5 jastaǵy qyzy, uly men eki baýyryn. Anasy men bir baýyry aman qalyp, qalǵan tórteýi er adamnyń qolynan qaza tapqan.
Astanada kúıeýi áıeline janarmaı quıyp, tirideı órtep jibergen. Sonyń saldarynan 4 bala anasyz qaldy.
Josalyda kúıeýi óziniń sózinen attaǵan áıelin atqa baılap, attyń shabýyna áreket jasaǵan. Oǵan shydamaǵan názik áıel zaty qaıtys boldy.
2015 jylǵy statısıkaǵa sáıkes turmystyq qıyndyqtar saldarynan 308 adam qaza tapty. Bári qasaqana ólimmen bolǵan jáıtter.
Turmystyq qıyndyqtyń basqa da túrleri kezdesip jatty.
Ekibastuz turǵyny 11 jastaǵy týǵan qyzyn 2 jyldan beri zorlap kelgen. Tipti áreketin vıdeoǵa túsirip, jelige saldy. Ol azdaı, qyzyn saýdalaǵnyn qaıtersiz...
Óz qyzy men kúıeý balasynyń soqqysyna shydamaǵan Almatylyq turǵyn asylyp óldi.
2017 jyldyń ózinde turmystyq qıyndyq saldarynan 316 áıel kóz jumdy. Búginde adam óltirgen degen aıyppen 300 áıel kolonıalarda jazalaryn óteýde. Sonyń saldarynan talaı otbasy qurdymǵa ushyrady, balalar jetim qaldy.
«Kóbine qıyndyqtar jumyssyzdyqtyń saldarynan bolady. Alaıda baılyq ta uıyp otyrǵan otbasynyń túbine jetpeı qoımaıtynyn eskere ketken jón. Erkekterdiń kóbi bar tapqan tabysyn qydyrýǵa, ishimdikke, nashaqorlyqqa, qumar oıyndarǵa qurtady. Árıne, bulardyń bári alamnyń psıhologıasyna keri áserin tıigzbeı qoımaıdy. Sonyń saldarynan áıeline baryp soqtyǵady nemese balasyn qorlaıdy.
Mundaı qıyndyqtar neniń sebebinen týyndaıdy?
Otbasyndaǵy qıyndyqtar buryn sońdy ashyq aıtyla bermeıtin. Áleýmettik másele retinde de qarastyrylmaǵan. Adamdar «otbasy – qoǵamdyq emes, jeke másele» degen pozısıany jaqsy ustanǵan. Sebebi qazaqtyń boıyna sińgen tárbıe, ónege edi.
Qazaqtarda sóz bar: «Anasyna qarap, qyzyn al». Alaıda taıaqtan kózin ashpaǵan áıel adamnan qandaı jylýlyq, qandaı mahabbat sezimin kútýge bolady? Urys-keris, janjaldyń ortasynda ósken baladan qandaı tulǵa shyǵady? Durys tárbıelenbegen balaǵa qoǵamnan óz ornyn tabýy qıynǵa soǵatyny anyq.
Zorlyq – búgingi tańda jeke másele emes, aýqymy keńeıgen. Jumyssyzdyq, quqyq buzýshylyq áreketter, jumystaǵy qıyndyqtar – bári otbasylyq jaǵdaıǵa áser etpeı qoımaıdy. Sol sebepti memleket turmystyq qıyndyqtardy da eskerip, shara qoldanýy kerek», dedi Bas prokýror.
Sholýshy: Gúlim Jaqan
