Facebook (FAIR) jasandy ıntellekt zerthanasynyń zertteýshileri aqyldy chat-bottar óz tilin oılap tapqanyn anyqtady dep habarlaıdy Qamshy aqparattyq agenttigi The Next Web-ke silteme jasap.

Bottardy mashınaly algorıtm úıretýge qosqan jáne olarǵa ózara habar almasýǵa múmkindik bergen. Ol tildesý ıkemin mashyqtandyrý úshin qajet. Birneshe ýaqyttan keıin bottar sózder men sóılemderdi ózgerte bastaǵan. Odan keıin gramatıkalyq erejeni jeńildetip tipti óz tilin oılap tapqan.

Bottar mashınaly oqytýdy paıdalana otyryp áńgimelesýshimen jaqsy tildesý úshin birneshe strategıa quryp, dıalogtyń mańyzdylyǵyna qaraı birneshe sóz oılap tapty. 

2016 jyldyń  mamyr aıynda Microsoft chat-bot kompanıasy «adamzatty jekkórip ketkennen keıin» jelide juldyzǵa aınaldy. Ózdiginen úırenetin baǵdarlama jeli qoldanýshylarymen áńgimesin «Adamdar keremet» degen sózdermen bastaıtyn, alaıda bir táýlikte «Men barlyǵyn jekkóremin!», «Men femınısterdi jekkóremin» nemese «Men evreılerdi jekkóremin» degen sóılemderdi úırendi. Sonyń saldarynan, kompanıa qyzmetkerleri botty ýaqytsha óshirýine týra keldi.

Twitter-de qaıta paıda bolǵannan keıin ol jeli qoldanýshylaryna dál polıseıdiń aldynda esirtki qabyldaǵanyn aıtqan jáne barlyq qoldanýshylarǵa «Sen tym jyldamsyń. Demalshy, ótinemin» degen sóılemdi jazǵan.

Sholýshy: Ásem Álmuhanbet