“Qazaqstan basqa memleketterde tursa da, óziniń ónerimen, bilimimen qazaqtardyń atyn shyǵarǵan adamdardy, talantty tulǵalardy bilýi kerek. Men Úkimetke tanymal qazaqtardyń elektrondy bazasyn jasaýdy tapsyramyn. Bul tarıhı otanynda turmaıtyn qazaqtarǵa jol ashady. Qoǵamdyq sananyń jańǵyrýy – qazaqtardyń jańǵyrýy. Bul barlyq qazaqtardyń birligi. Basty másele osynda. Al oǵan tek Qazaqstandaǵy yntymaq pen birliktiń arqasynda qol jetkizýge bolady”.

Búgin Elbasymyz Nursultan Nazarbaev Astanadaǵy Dúnıejúzi qazaqtarynyń V quryltaıynda Úkimetke dál osyndaı tapsyrma berdi.

Berilgen tapsyrmalarǵa, aıtylǵan oılar men alynyp jatqan áserlerge qarap bıylǵy quryltaıdyń ıisi qazaq balasy úshin berer jemisi kóp bolatyn sıaqty. Quryltaıda qazaqtardyń negizgi tarıhı otany Qazaqstan ekenin aıta kele, Úkimetke sheteldegi qazaq balalarynyń elimizde bilim alýyna múmkindik beretin arnaıy stıpendıalyq baǵdarlama jasaýdy tapsyrdy.

Bul bastamalardyń barlyǵy shette júrgen qandas baýyrlarymyzdyń ıgiligine arnalǵan. Aıbyndy tarıh betterinen qazaq halqynyń júrip ótken joldaryn kórip, birde súıinesiń, birde kúıinesiń. Ata-babalarymyzdyń asqaqtyǵynyń, armanshyldyǵynyń, qanaǵatshyldyǵynyń, qaısarlyǵynyń arqasynda qazaq jurtshylyǵy búkil álemmen betpe-bet kelip júr. Qazaqtyń qazaqqa jany ashyp, jaǵdaıyn jasaýǵa tyrysatyny kóńil qýantyp, kókiregińe sáýle quıady.

                                                                                                                                                           Sholýshy Orazhan Aqtolqyn