Belgili The Ring baslymynyń jýrnalısi Dýglas Fısher 16 qyrkúıekte Saýl "Kanelo" Alvareske qazaqstandyq Gennadıı Golovkındi qalaı utýǵa bolatyny týraly óz oıyn aıtty, - dep habarlaıdy Qamshy.kz aqparat agenttigi Vesti.kz saıtyna silteme jasap.
"Kanelo" orta salmaqtaǵy bir soqqydan nokaýtqa túsiretin boksshy emes. Ondaı bolǵan kúnniń ózinde Golovkınniń ıegi myqty. Sonymen birge, 16 qyrkúıekte Alvares jeńedi dep oılaımyn. Jekpe-jek qabaqtyń jarylýyna baılanysty toqtatylady. Bul múmkin emes jaıttardyń qatarynan emes. Golovkın talantty jáne iri Denıel Djeıkobspen taıaq jemeı 12 raýnd judyryqtasa alǵanymen, "Kanelomen" jekpe-jekte onyń betinen bet qalmaıtynyna kepil beremin.
Sondyqtan "Kanelo" jaqyn aralyqta judyryqtasady. Qoly aýyr pancher jaqyn kelse bar ónerin kórsetedi. Menińshe, "Kanelo" jaqyn aralyqta judyryqtasý men qashan demalý kerektigin dál úılestire alsa, jeńistiń kiltin tabady", - deıdi Fısher.
Golovkın men Alvares arasyndaǵy kezdesý 16 qyrkúıek kúni Las-Vegastaǵy T-Mobile sport kesheninde ótedi. Qazirdiń ózinde bul boks keshiniń bıletteri satylyp ketken. AQSH jerinde jekpe-jekti NVO arnasy aqyly júıe boıynsha kórsetedi.
