Mysyrda joǵalyp ketken 6 qazaqstandyq stýdentti Kaırdiń quqyq qorǵaý organdary ustap otyr dep habarlaıdy Qamshy.kz  aqparat agenttigi. Bul jaıynda QR Syrtqy ister mınıstrligi baspasóz qyzmetiniń jetekshisi Ánýar Jaınaqov Feısbýktegi paraqshasyna jarıalady.

«Bizdiń dıplomattarymyzdan Mysyrda joǵalǵan qazaqstandyq stýdentterdi izdestirý nátıjesi boıynsha aldyn ala aqparat tústi. Jańa ǵana senimdi kózderden alynǵan aqparat boıynsha atalǵan qazaqstandyq stýdentterdi Kaır qalasynda quqyqqorǵaý organdarynyń qyzmetkerleri ustap alǵan jáne olar osy eldiń aýmaǵynda. Olardyń ómir men densaýlyǵyna tóngen qater joq», -dedi Ánýar Jaınaqov

«Taıaý arada Qazaqstan elshisi Mysyr Syrtqy ister mınıstriniń orynbasarymen osy máselege baılanysty kezdesý ótkizbek. Qosymsha aqparat Mysyr tarabymen kelissózder nátıjesi boıynsha habarlanatyn bolady. Osy másele Qazaqstan Syrtqy ister mınıstrligi basshylyǵynyń erekshe jáne únemi baqylaýynda», - dedi QR Syrtqy ister mınıstrligi baspasóz qyzmetiniń jetekshisi Ánýar Jaınaqov.