Amerıkandyq astronavt Nıl Armstrongtyń Aıdyń topyraǵy salynǵan sómkesi aýksıonda satyldy. Armstrongtyń Aıdan ózimen birge alyp qaıtqan tas aralas topyraq úlgisi  Sotheby’s aýksıonynda jeke menshik ıeligine satyldy dep habarlaıdy Qamshy.kz aqparat agenttigi gazeta.ru-ǵa silteme jasap. Bul sómkeni 2015 jyly Nensı Karlson esimdi chıkagolyq advokat Tehasta ótkizilgen aýksıonnan 995 dollarǵa satyp alady. Keıinnen ol ishine qarapaıym qum men tas toltyrylǵan sómkeni NASA agenttigine aparyp beredi. Al agenttik sómkedegi topyraq pen tastyń Aı betinen alynǵanyn jáne onyń memleket menshigi ekenin aıtyp, qatelik kesirinen aýksıonda satylyp ketkenin alǵa tartady. Biraq Karlson ol sómkeniń óziniń jeke menshigi ekenin sot arqyly dáleldep, oljasyn aýksıon arqyly satty. 
Negizinen, bul topyraqtyń baǵasy 4 mln. dollarǵa baǵalanǵan bolatyn.