Jan-jaqty sharpyǵan jalyn qazir Fransıa jurtyn ábigerge salyp jatyr. Munda otqa oranǵan aýmaqtyń kólemi 3 myń gektardan asady. Tilsiz jaýdyń kesirinen myńdaǵan adam úı-jaıyn tastap, qaýipsiz aımaqqa kóshti. Jergilikti bılik órtti óshirýge óziniń shamasy jetpeıtinin moıyndap, Eýroodaqtan kómek surady. Portýgalıadaǵy jaǵdaı da osyǵan uqsas. Munda uıytqyǵan jeldiń údeı túsýine baılanysty jalyn tym jedel jaıylyp barady, dep habarlaıdy Qamshy.kz aqparat agenttigi sheteldik BAQ-qa silteme jasap.

Al portýgaldyq órt sóndirýshilerdiń ony tejeýge qaýqary jeter emes. Jergilikti aqparat kózderiniń málimetine qaraǵanda, Portýgalıa – Eýroodaq elderi ishinde jalynmen kúresýde eń pármensiz memleket. Óıtkeni, munda órt oshaǵyn anyqtaý basqarmasy bir mınıstrlikke, al ony óshiretinder ózge mınıstrliktiń quzyryna qaraıdy. Sondyqtan ózara aqparat almasý óte sylbyr.