Qazaqstan Respýblıkasynyń Qarýly Kúshterinde áskerı jıyndarǵa daıyndalýdy, olardy ótkizýdi uıymdastyrý jáne áskerı mindettilerdi áskerı oqý-jattyǵý jıyndaryna shaqyrý, sondaı-aq jumyldyrý jáne jaýyngerlik ázirlikti kóterý maqsatynda áskerı mindettilerdi áskerı bólimderge shaqyrý bolyp tabylady. Áskerı oqý-jattyǵýdyń negizgi maqsaty - áskerı bólimderdiń jaýyngerlik jáne jumyldyrý ázirlikterin arttyrý, aýdandarda jıyntyqtaýda soǵys ýaqytynda olardy jasaqtaý jáne jumyldyrý kezinde Qazaqstan Respýblıkasy Qarýly Kúshterdiń, basqa da áskerleri men áskerı quramalarynda ornalastyrý úshin daıyndyq jasaý.
Áskerı mindettilerdiń áskerı jıyny sıpattama jáne maqsaty boıynsha kelesideı kezeńderden turady: 1.oqý jıyny; 2.arnaıy jıyn; 3.synaý jıyny. Áskerı mindettilerdiń áskerı bilimin qaıta daıarlaý jáne jetildirý boıynsha oqý jıyndarynda mynadaı áskerı mindettiler jatady: joǵary laýazymǵa zapastaǵy ofıserlerdi daıyndaý; zapastaǵy serjanttar men sarbazdardyń qatarynan zapastaǵy ofıserlerge daıyndaý. Áskerı mindettilerdi jumyldyrý boıynsha jáne soǵys ýaqytynda áskerı qyzmetke shaqyrý Qazaqstan Respýblıkasy Prezıdenti Jarlyǵynyń negizinde jáne osy Zańda belgilengen tártippen júrgiziledi. Jumyldyrý boıynsha jáne soǵys ýaqytynda áskerı qyzmetke shaqyrylǵan áskerı mindettiler men áskerge shaqyrylýshylarǵa jumys, qyzmet orny boıynsha tolyq esep aıyrysý júrgiziledi, naqty jumys istegen ýaqyty úshin jalaqy, shyǵý járdemaqysy jáne paıdalanylmaǵan demalysy úshin ótemaqy tólemderi tólenedi. Jumyldyrý boıynsha jáne soǵys ýaqytynda shaqyrylǵan azamattarǵa ózderi turǵan turǵyn alań saqtalady. Jumyldyrý boıynsha jáne soǵys ýaqytynda áskerı qyzmetke shaqyrylǵan azamattardyń otbasylaryn memlekettik qamsyzdandyrý (járdemaqylar, zeınetaqylar) Qazaqstan Respýblıkasynyń zańnamasyna sáıkes júrgiziletinin eskerte ketken jón. Sondaı-aq Almaty qalasynyń jergilikti áskerı basqarý organdary jumyldyrýdy ótkizý kezinde jáne soǵys ýaqytynda áskerı mindettiler men áskerge shaqyrylýshylardyń ýaqytyly habardar etilýin jáne jıyn pýnktterine nemese áskerı bólimderge jetkizilýin qamtamasyz etedi.
Almaty qalasynyń qorǵanys isteri departamenti
Qarlyǵash Musabekqyzy
