Túrkıa prezıdenti Rejep Erdoǵan Reseıden S-400 zenıttik-zymyran júıelerin satyp alý jóninde kelisimge qol qoıdy, dep habarlaıdy Qamshy.kz aqparat agenttigi.
Bul týraly Erdoǵan «Ádilet jáne damý partıasy» parlament fraksıasynyń otyrysynda aıtty. Reseı prezıdenti Vladımır Pýtınniń baspasóz hatshysy Dmıtrıı Peskov atalmysh kelisimge baılanysty pikir berýden bas tartty.
Budan buryn AQSH Qorǵanys mınıstri Djeıms Mettıs reseılik zenıttik-zymyran júıeleriniń NATO odaǵymen úılesimdiligine kúmán keltirgen.
Bloomberg agenttiginiń málimetinshe, kelisim somasy $2,5 mlrd. bolýy múmkin.
S-400 zenıttik-zymyrandar júıesi ushaqtar, áýe kemeleri, balııstıkalyq zymyran jáne ózge de áýe aktıvterin joıýǵa arnalǵan.
