27-29 shilde aralyǵynda «Áziret Sultan» astanalyq meshitinde Din isteri jáne azamattyq qoǵam mınıstrligi Din isteri komıtetiniń tapsyrysy boıynsha  «Terorızmge qarsy komıtet» qoǵamdyq birlestigi teologtardyń tobyna semınar-trenıng ótkizýde.

İs-shara «Radıkaldyq dinı kózqarastary bar adamdarǵa teologıalyq ońaltýdy uıymdastyrý (erkin jamaǵattar)» jobasy sheńberinde iske asyrylýda. Jobanyń negizgi maqsaty - teologıalyq ońaltý máseleleri boıynsha mamandardy destrýktıvti dinı aǵymdardyń erýshilerimen, onyń ishinde radıkaldy kózqarastary bar adamdarmen jumys jasaýǵa qajetti bilim men daǵdylarǵa baýlý bolyp tabylady.

«Terorızmge qarsy komıtet» RQB Prezıdıýmynyń tóraǵasy Amanjol Orazbaevtyń málimdeýine sáıkes, destrýktıvti dinı aǵymdardyń jaqtastaryn ońaltý jáne beıimdeý boıynsha qalyptastyrylǵan ádistemelik qaǵıdalardy aprobasıalaý jáne endirý boıynsha pılottyq joba elimizdiń segiz óńiri men Astana qalasynda synalatyn bolady.

Birinshi kezeńde trenıń negizinen Qazaqstan musylmandary dinı basqarmasynyń ımamdary arasynan neǵurlym daıyndalǵan 14 teolog úshin ótkiziledi.

«Terorızmge qarsy komıtet» dárister men trenıńter taqyryptaryn tańdaýǵa erekshe kóńil bóldi, olardy ótkizý úshin joǵary bilikti mamandar shaqyryldy - psıholog Shakımova Lola Sergeevna, dintanýshy Denısenko Iýlıa Olegovna. Birqatar shetel ǵalymdary men sarapshylardyń pikirlerine sáıkes, dinı fanatızm psıhıkalyq aýytqýdyń bir túri bolyp tabylady.

Semınarda ońaltý jumystarynyń teologıalyq aspektileri daıyndalǵan teologtarmen, onyń ishinde QMDB bólim basshysy Ershat Ońǵarovpen túsindiriledi.

Semınar barysynda destrýktıvti aǵymdarǵa erý sebepteri, radıkaldyq kózqarastarǵa erý jáne odan bas tartý belgileri, psevdodinı aǵymdardyń sıpattamalary jáne t.b. sıaqty suraqtar qarastyryldy.

Trenıńterde ártúrli psıhologıalyq tehnıkalar men ádister qarastyrylady. Testtik rejımde keıingi is-qımyldar algorıtmin pysyqtaýmen kúrdeli sıtýasıalyq dıalogtar oryndalýda.

Semınar qatysýshylaryna psıhologıalyq baılanysty ornatý, keńes berýlerdi ótkizý, ońaltylatyn adamdarǵa teologıalyq, quqyqtyq, áleýmettik kómek jáne qoldaý kórsetý boıynsha ádistemelik usynymdar usynyldy.

Dinı ekstremızm men radıkalızm kórinisteriniń aldyn alý máseleleri boıynsha memlekettiń úkimettik emes sektormen jáne dinı birlestikpen áleýmettik áriptestiginiń atalǵan jobasy jergilikti jerlerde júrgizilip otyrǵan núkteli ońaltý jumysyn  odan ári kúsheıtýdi kózdeıdi.