Álem chempıony Gennadıı Golovkın ESPN arnasyndaǵy A Los Golpes baǵdarlamasynda Saýl Alvaresti  nokaýtqa túsirgisi keletinin aıtty dep habarlaıdy Qamshy.kz aqparat agenttigi vesti.kz-ke silteme jasaı otyryp.

«Men kásipqoı bokstaǵy kareramnyń basynyn bastap-aq orta salmaqta óner kórsetip kelemin. Sondyqtan da bul salmaqta meniń tájirıbem kóp.  Al «Kanelo» bolsa orta salmaqqa jýyrda ǵana aýysty. Degenmen osy salmaqta ótkizgen sońǵy kezdesýlerin ol jaqsy ótkizdi.  Biraq maǵan qarsy ony múlde basqa jaǵdaı kútip tur. Men orta salmaqtyń chempıonymyn. Sonymen qatar «Kanelonyń» burynǵy qarsylastary sekildi kishkentaı emespin. Saýldiń sońǵy qarsylasy kishi Chavesti de myqty deýge kelmeıdi. Sebebi, ol mundaı úlken jekpe-jek ótkizý úshin kóp ýaqyt jumsady. Al men sońǵy jyldary únemi chempıondyq belbeýimdi qorǵap júrmin. 

«Kaneloǵa» qarsy naǵyz chempıondyq jekpe-jek bolady. Men bul kezdesýdi nokaýtpen jeńgim keledi. 

Meniń Djeıkobspen ótkizgen kezdesýim týraly áńgime kóp aıtylyp júr. Biraq ol kezdesýdiń áńgimesi bir bólek. Iá, men ol kezdesýde kareramda birinshi ret tóreshilerdiń sheshimi boıynsha jeńiske jetti. Degenmen qazirgi jaǵdaı múlde bólek. «Kanelo» óte qaýipti qarsylas. Men ony jeńgim keledi. Óıtkeni, Golden Boy bul kezdesýdi uıymdastyrǵysy kelmedi. Sońǵy eki jyldyń ishinde ár-túrli alyp qashpa áńgimeler boldy. Sol úshin de men úshin  «Kaneloǵa» qarsy ótetin kezdesý qyzyq ta bolmaı qalǵan edi. Alaıda biz jekpe-jekti ótkizý úshin kelisimge keldik. Endi men ony nokaýtpen jeńip, chempıondyq ataqtarymdy uzaq ýaqyt saqtap qalýym kerek», - deıdi Golovkın.