«Ertede bir aǵaıyndy eki jigit bolypty. Birin-biri kórmese tura almaıdy. Bir kúni aǵasy, bir kúni inisi qonaqasyna shaqyryp, mamyrajaı baqytty belshesinen basqan kúnderdi keship jatady.
Bir kúni eki jigit otyryp:
- «Bizdiń myzǵymas tatýlyǵymyz ben aırandaı uıyǵan yntymaǵymyzǵa eshkim nuqsan keltire almaıdy. Bári ekeýmizdiń arqamyzda!» - dep kókirek qara sóıleıdi. 
Osyny estigen eki abysyn:
- «Mynalar astamshylyq jasaıyn degen eken! Bularǵa baqyt kimniń qolynda ekenin kórseteıik bir!» - dep túıipti.
Aǵaıyndylar keleside aǵanyń úıinde bas qosady. Arqa-jarqa bolyp as iship otyrǵanda inisiniń kelinshegi kúıeýine:
- «Áı, aǵań seni kemsiteıin degen eken. Qarashy, óz balasyna asyqty jilik berip, seniń balańa kári jilik berdi. Munysy qaı basynǵany?!» - dep sybyr ete qalady.
Sonda qany qyzǵan inisi attaı týlap, aǵasyna dúrse qoıa beredi. Eki baýyr osy oqıǵadan keıin uzaq ýaqyt bir-birine at izin salmaı, bet kórispeı ketipti. 
Kúnderdiń kúninde eki abysyn aqyldasyp qazan kóterip, eki baýyrdy tatýlastyrmaqshy bolady. Úlken abysyn aǵany:
- «Áı, sen úlkendigińdi jasa! Shynymen-aq, sen aǵattyq jasadyń!» - dep ininiń shańyraǵyna ertip keledi. 
Osy basqosýda abysyndar bar shyndyqtyń betin ashyp:
- Esterińde me «Bizdiń myzǵymas tatýlyǵymyz ben aırandaı uıyǵan yntymaǵymyzǵa eshkim nuqsan keltire almaıdy. Bári ekeýmizdiń arqamyzda!» degenderiń? Olaı qatelespeńder. Aǵaıynnyń uıýy da, irýi de bizdiń bir aýyz sózimizge baılanysty!» - dep aǵaıyndy jigitterdi sabasyna túsiripti».
Tútiniń túzý shyqsa da, qısyq ushsa da ÁIELDEN!

El aýzynan