Halyqaralyq ǵarysh álemine óziniń alǵashqy jer serigin ushyrǵan Afrıka da qosyldy, dep jazady Qamshy.kz aqparat agenttigi. Jer orbıtasynan ushyrylǵan alǵashqy afrıkalyq jer serik GhanaSat-1 dep atalady. Ony Ganadaǵy Koforıdýa qalasynda ornalasqan kóp ultty ýnıversıtet ınjenerleri daıyndap shyǵardy. İri jobaǵa ǵalymdar 2 jyl ýaqytyn sarp etti, al jer serigin jasaýǵa ketken shyǵyn – $50 000. Jer serik maýsymda daıyn bolyp, ǵarysh ortalyǵy NASA-ǵa jiberilgen. Al orbıtaǵa shilde aıynda SpaceX kompanıasy alyp shyqty.

«Bizdiń jer seriginiń aldynda eki mańyzdy tapsyrma tur. Birinshiden, ishki kameralar arqyly ol Gana jaǵalaýlaryn baqylaýǵa alady. Ekinshiden, biz muny ǵylym salasyna arnap otyrmyz. Ǵarysh barysynda alynǵan aqparat mektep baǵdarlamasyna engizilmek», –  deıdi  kóp ultty Ýnıversıtettiń ustazy Rıchard Damoa.

Orbıtadan jiberilgen jer seriginen sıgnal túskendikten ustazdar prosestiń sátti ótkenine qýanyshty. Aıta keterligi, atalmysh jobany jasaý barysynda memleket tarapynan eshqandaı qoldaý kórsetilmegen.