Ońtústik Koreıa prokýratýrasy Samsung kompanıasynyń eks-prezıdenti, basshysy Lı Chje Endi 12 jylǵa bas bostandyǵynan aıyrýdy surady, dep jazady Qamshy.kz aqparat agenttigi Associated Press portalyna silteme jasap.

Tergeý málimetine súıensek, Samsung memlekettiń burynǵy prezıdentiniń qurbysy Chhve Sýn Sılmen baılanysy bar kompanıaǵa 43,3 mlrd. von ($38 mln.) aýdarǵan.

Sotta prokýror atalmysh oqıǵanyń Ońtústik Koreıa bıligi men iri kásiporyndary arasyndaǵy «jaıly baılanystyń» úlgisi ekenin málimdedi.

Lı Chje En prezıdenttiń qurbysymen baılanysy joq ekenin aıtyp aqtalǵan. Alaıda kompanıa shotyna iri kólemde qarjy aýdarylǵanyn jasyrmady. Tek kompanıa qory prezıdenttiń qurbysymen baılanysty ekenin bilmegen.

Aıta keteıik, Samsung basshysy 2017 jyldyń aqpanynda tutqyndaldy. 2016 jyldyń qazanynda shyn mánisinde memleketti 60 jastaǵy baqsy, «Ensege» mıstıkalyq sektasynnyń jaqtaýshysy Chhve Sýn Sıl basqaryp otyr degen aqpar taralǵan. Sondaı-aq, qarjylyq alaıaqtyq pen memleket saıasatyna aralasty degen aıyptar taǵyldy.