Prezıdent Nursultan Nazarbaevtyń bes plúsy men bes mınýsy. Qysqa ári nusqa. Ekspromt. Aldymen "áttegenaı"-dan bastasaq. 1. Prezıdent shırek ǵasyrda ulttyq memleket qura almady. Bylaıynsha aıtqanda, Allanyń ózi bergen zor múmkindikti der kezinde paıdalana alǵan joq. Ulttyń rýhanı tutastyǵyn saqtaýǵa, ulttyq múddeni qorǵaýǵa, ulttyq sanany kóterýge, ulttyq qundylyqtardy jańǵyrtýǵa, jalpy ultqa qyzmet etý negizderin qamtıtyn - ulttyq ıdeologıa ádirem qaldy. Onyń ornyna, Halyqtar Assambleıasyn qurdyq. Álemge tatýlyq laboratorıasymyz dep jar saldyq. Ózimizdi jarylqap almaı, eldegi shaǵyn ult pen ulystarǵa tabyndyq. Sóıtip jalaýlatyp júrgende óz týǵandarymyz, sarı oranyp, Iegovo kýágerleri atandy, bala-shaǵamyz quranıt, sýanıt, salafıt-malafıt bop, qolǵa myltyq alyp, Sırıa attanyp kete bardy. 2.Bizde baılyq ta kóp, shaılyqqa jarymaı otyrǵandar da kóp. Qudaıdyń qalaýymen osy jerdiń ıesi bolǵan qazaq, energetıkalyq resýrstardyń qyzyǵyn óz deńgeıinde kóre almady. Maıly-qunarlynyń barlyǵyn ózgeler soryp jatyr. Shıkizatqa táýeldi bolmaımyz, ekonomıkany ártaraptandyramyz dep, qyrýar qarjy bólip, aty belgili-belgisiz zaýyttardy ashqanymyzben, bizdiń búdjet munaıdyń san qubylǵan álemdik baǵasyna báribir táýeldi. Sosyn ishim ýdaı ashıtyn taǵy bir másele bar. Izraıl, Eýropanyń birqatar elderinde, tipti mynaý turǵan Belorýssıada aýylsharýashylyǵyn órkendetý arqyly zor paıdaǵa kenelip otyr. Al bizde aýyl áli qulazyp tur.Kókinis pen jemis-jıdek Qytaı, Ózbekstannan, et-sút-maı taǵy syrttan, al ózimizdiń qurt-irimshik, qymyz ben shubattyń baǵasy ýdaı... 3. Eýrazıalyq ekonomıkalyq Odaq. Buryńǵy tarıh. Qazirgi Reseı. Pýtın. Ýkraına. Sanksıa. Ar jaǵy túsinikti shyǵar. 4. Túıeni túgimen jutqandardyń dáýreni ozyp tur... Búdjet qarjysy aıaýsyz urlanady, jeke qaltalar baıyp jatyr. Baqylaý az, jaýapkershilik joq. Qoǵamdy jemqorlyq dendedi. 5. Otbasy-oshaq qasy... Memlekettik isterge onyń otbasy aralasa bastady. Qyzy depýtat, inileri bıznesmen-generaldar, kúıeý baldary Forbstyń tizimine endi. Bir ǵana Rahattan qansha halyq zardap shekti, kisi ólimi, memlekettik reket... Bu qazaqtyń kórmegeni joq odan. Sol bir"kúıeýden" sabaq alýǵa bolýshy edi...Átteń. Qyzy Parlament tórinde saıraýdy shyǵardy. Munyń arty jaqsy bolmaıdy.
Prezıdenttiń artyqshylyqtary: 1. Qartaıdy, qaıǵy oılady, ulǵaıdy arman... 75-ke toldy. Ońaı jas emes. Osyǵan qaramastan, eldi ashsa alaqanynda, jumsa judyryǵynda ustap otyr. 25 jyl eshkimdi tyrp etkizgen joq. Bul - jaı adamnyń qolynan kele bermeıtin sharýa. 2. Saıası keńistik... Qasymyzdaǵy Ózbekstan men Reseıge qarap otyryp, shúkirshilik aıtam. Salystyrmaly túrde bizde báribir jappaı repressıa joq. Ber jaqtaǵy shabarmandar qara aspandy qapyltyp, bireýlerdiń izine túsip, ol kisige basqasha jetkizip taǵy birdeńe isteýi múmkin endi. Biraq, Nazarbaev Allaǵa shúkir, Kárimov te, Pýtın de emes. Ol elderge qaraǵanda, báribir bizde oryssha aıtqanda "svobodnee dyshıtsá". 3. Álemdegi bedeli... Bir adamnyń kesiri 250 mln halyqqa zıanyn tıgizgenine kýá boldyq. Abyroıynyń tas-talqany shyqqan talaı lıderlerdi kórdik. 25 jylda áıteýir Prezıdenttiń halyqaralyq arenadaǵy abyroıy artpasa, kemigen joq. Elge ınvestısıanyń tartylýy kóp jaǵdaıda memleket basqaryp otyrǵan tulǵaǵa, onyń ustanymyna tikeleı baılanysty. Bul rette Prezıdenttiń yqpaly zor. Inovasıa men jasyl ekonomıkany damytýǵa, ındýstrıalyq revolúsıa jasaýǵa talpynys bar. Bul jaqsy nyshan. 4.Astana - jaýhar qala! Bul shyn máninde erlik, tolaǵaı eńbek, bolashaq úshin jasalǵan úlken qadam. Qalada júrip keıde keýdemdi maqtanysh kerneıdi. Prezıdenttiń óskeleń urpaqqa qaldyrǵan ǵajap eskertkishi. 5. Minez - adamnyń ómiri... Keshirimshil, kekshil emes, jumsaq ári meıirimdi deıdi biletinder. Talaı adamnyń satqyndyǵyn keshirgenin bilem. Bul Memleket basshysy úshin úlken qasıet.Qudaı betin ári qylsyn, alda bılikke naǵyz despot kelip, Nazarbaevtyń qadirin sol kezde túsinip, ah uryp júrmeımiz be degen oı ara-tura mazalap qoıatynyn jasyrmaımyn.
Barlyq aspekti qamtylǵan joq. Asyǵys jazyldy.
Ádilet aıtý bizden, tórelik kóptiń qaqy...
Dina Tulekova, Facebook paraqshasynan
Sýret Bolatbek Muhtarov
