Eki salmaq dárejesinde álemniń burynǵy chempıony Saýl "Kanelo" Alvares (49-1-1, 34 KO) orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın (37-0, 33 KO) jekpe-jek aldynda úlken qatelikke boı aldyrýy múmkin ekenin aıtty dep habarlaıdy Qamshy.kz aqparat agenttigi Vesti.kz saıtyna silteme jasaı otyryp.

Boksshylar osydan birneshe jyl buryn sharshy alańda beıresmı túrde kezdesken, olar Kalıfornıada sparrıng-sessıalaryn ótkizgen. "Kanelonyń" aıtýynsha, Golovkın sol jattyǵýlar arqyly "óz qarsylasynyń shamasyn bildim" degen oıdan aýlaq bolýy tıis, sebebi ony tosyn syı kútip tur.

"Eger olar burynǵy meniń qatysýymmen ótken jattyǵýlardy eskere otyryp daıyndalsa, bul úlken qatelik. Men olardyń bul kezdesýdi ne úshin aıtyp júrgenin bilmeımin, biraq bul kezdesý shynymen boldy jáne olar osyny negizgi strategıa retinde qoldanatyn bolsa, ol maǵan utymdy. Birneshe jyl buryn Golovkınmen judyryqtasqan jigitpen meniń aıyrmashylyǵym jer men kókteı. Men óz jattyǵýymda qatelikke jol bermeımin, qarsylasty týra baǵalaımyn. Men onyń pancher ekenin jaqsy bilemin, sebebi buryndary kezdeskenmin. Men osyǵan daıyndalyp jatyrmyn", – dedi Alvares bergen suhbatynda.