Qazaqstandyq jazýshy Nurǵalı Oraz túrki halyqtary arasynda jarıalanǵan Mahmud Qashǵarı atyndaǵy syılyqtyń birinshi ornyna ıe boldy.

Qazaqstan jazýshylar odaǵy janyndaǵy “Qalamger-Medıa” ortalyǵynyń dırektory Janarbek Áshimjannyń Azattyqqa aıtýynsha, Nurǵalı Orazǵa syılyq Ázerbaıjan astanasy Bakýde berilgen. Jyl saıyn beriletin bul syılyqty túrki halyqtarynyń Eýrazıa jazýshylar odaǵy taǵaıyndaǵan. Báıgege túrik, qazaq, ázerbaıjan, tatar, bashqurt, týva, saha, ıakýt jáne basqa da halyqtardyń jazýshylary qatysqan.

“Nurǵalı Oraz buǵan deıin qazaq jazýshylary arasynda jarıalanǵan báıgege de alǵashqy oryn alǵan” deıdi Janarbek Áshimjan.

Nurǵalı Oraz “Aıaqtalmaǵan ertegi”, “Daladan qalaǵa kelgender”, “Bıiktegi sulýlyq”, “Túngi jalǵyzdyq” dep atalatyn áńgimeler men povester jınaǵynyń avtory.