Bir kúni elimizdiń energetıka mınıstrii Qanat Bozymbaev ánshi Erke Esmahandy arnaıy kabınetine shaqyryp aldy.
–Mojyna aǵaı,–dedi ánshi esikten basyn qyltıtyp.
–Mojyna emes, ruhsat. Kelińiz, munda otyryńyz.
Ánshi ımenińkirep, «Bul kisi qarapaıym ánshini ne úshin shaqyrdy eken? Álde balasy úılenip, toıynda án aıtqyzbaq pa? Qansha tóleıdi eken?» degen suraqtarmen sanasyna sýret salyp, bir túrli bolyp otyrdy.
–Shaqyrǵan ekensiz... –dedi ánshi. Mınıstrdiń túsi sýyq. Qabaǵynda qar, murnynda muz, qasynda qyraý jatqandaı.
–«Joq, joq!» degen ánińiz bar edi ǵoı, sony aıtyńyzshy?
–Ka...Kabınetińizde me?
–Ia! –dep mınıstr judyryǵymen stoldy qoıyp qalyp edi, ánshi selk ete qalyp, «Qaıda?» ánin shyrqaı jóneldi.
Aýyl menen qala, kóshe menen dala,
Seni izdedim men seni ǵana...
Aýyl menen qala, galaktıkada ma?
Tilegiń izdemeı tabyla ma?
Sen joqsyń, taba almadym seni,
Sen joqsyń, joqsyń, izdemeısiń meni
Sen joqsyń, joqsyń, bar bolsań qaıdasyń?
Sen kimsiń, júrsiń qaıda?
Almatyda joq, joq,
Astanada joq, joq,
Seni izdedim, úmitti úzbedim...
Aqtóbede joq, joq,
Shymqalada joq, joq,
Seni izdedim, úmitti úzbedim...
Mınıstr ornynan atyp turdy. Ánshi de eriksiz atyp turdy. Saýsaqtary dirildep...
–Men sizdi ne úshin shaqyrdym, bilesiz be? «Joq, joq!» dep án aıtyp edińiz, Qudaıdyń qulaǵyna shalyndy ma, kim bilsin, bir– eki aıdan beri elimizde benzın joq, joq, Astanada joq, joq, Almatyda joq joq! Ana jerde joq, joq, myna jerde joq joq!
–Keshirińiz, men sizdi syrtyńyzdan syılaımyn, biraq benzınge meniń qatysym qansha? –dep qoryqqan Erke Esmahan kóz jasyn bir syǵyp aldy.
–«Joq!» degen sóz jaman yrym! Nege Astanada bar,bar, Almatyda bar, bar dep aıtpaısyz? Sizdiń kesirińizden úkimet úmitimdi útiktep, elbasy sógis jarıalady! Benzındi qymbattatyp jiberdik!
–Qoıyńyzshy aǵaı, meniń kesirimnen be?
–Aǵaı demeńiz! Mınıstr sóılep tur aldyńyzda!
–Oı aǵaı, men sizdi toıǵa shaqyrdy eken ǵooı dep kelsem? Án men benzın úsh qaınasa da, sorpasy qosylmaıdy ǵoı? –degen ánshi ornynan ashýly turyp, «Astanada joq, joq, Almatyda joq, joq...» dep ándete, kabınetten shyǵyp bara jatty...
Muhtar SHERİM
Vkontakt jelisindegi "Bórili Baıraq" tobynan
Pikir qaldyrý