Orta salmaqtaǵy WBA (Super), IBO, WBC jáne IBF belbeýleriniń ıegeri qazaqstandyq boksshy Gennadıı Golovkınniń (37-0-1, 33 KO) promoýteri Tom Leffler RingTV arnasyna bergen suqbatynda otandasymyzdyń 2018 jylǵy josparlary týraly aıtyp berdi, dep habarlaıdy
Qamshy.kz aqparat agenttigi Vesti.kz málimetine súıenip.

"Meniń oıymsha, biz keler jyly úsh kezdesý ótkizemiz. Golovkın aldymen mamyr aıynda, sodan son qyrkúıek jáne jeltoqsan aıynda jekpe-jek ótkizetin shyǵar. Árıne, mamyrda biz "Kanelomen" ekinshi ret kezdesýdi oılastyryp otyrmyz. Bul bizdiń basty maqsatymyz. Sonymen qatar Golovkınniń karerasy bir orynda turyp qalmaý úshin qosalqy josparymyz da bar. 

"Kanelony" máńgilik kúte bermeımiz. Eger ol jekpe-jek ótkizýge kelisim bermese, Golovkınniń kezdesýin qabyldaıtyn sport keshenderi bar. Mende qosymsha jospar da bar. Ol kezde GGG Djeıkobspen ekinshi ret kezdesýi múmkin", - deıdi Leffler. 

Aıta keteıik, Golovkın óziniń sońǵy kezdesýin 16 qyrkúıek kúni Las-Vegas qalasynda meksıkalyq Saýl "Kanelo" Alvareske (49-1-2, 34 KO) qarsy ótkizdi. 12 raýndtyń qorytyndysy boıynsha, tóreshiler teń nátıjeni tirkedi. Osylaısha qazaqstandyq boksshy ózine tıesili barlyq belbeýlerin saqtap qaldy. Al olardyń ekinshi kezdesýi 2018 jyldyń 5 mamyrynda ótýi múmkin.