Mamandar medısınalyq saqtandyrý polısi boıynsha medısınalyq kómekke ótinish berý týraly statısıkany taldap, qazaqstandyq emdelýshilerge qoıylǵan dıagnozdyń týǵan aılaryna baılanysty ekenin anyqtady. Bul týraly «Kompetenz» SK málimdedi, dep habarlaıdy Qamshy.kz aqparat agenttigi.

Zertteý barysynda qys mezgilinde, ıaǵnı qańtar men aqpanda dúnıege kelgen áıelderdiń holestırın deńgeıi joǵary bolady, ókpe fýnksıasynyń tómendeýi men júrek-qan tamyrlary aýrýyna jıi shaldyǵady.

Al osy aılarda dúnıege kelgen er adamdar qalqansha bezi aýrýlaryna qyrkúıekte týǵandarǵa qaraǵanda kóbirek shaldyǵady.

Aqpanda týǵan qazaqstandyqtar kóbine ókpe aýrýlaryna shaldyǵyp jatady. Olarǵa pnevomanıa nemese ókpeniń qabynýy dıagnozdaryn qoıady.

Jaz aılarynda – tamyz ben shildede dúnıege kegen qazaqstandyqtardyń keıbiri ǵana júrek-qan tamyrlary aýrýlaryna shaldyqqan. Bul aıda týǵandar kóbine kez kelgen aýrýǵa tótep bere alatyn jandar. Esesine janýarlar, ósimdikter men keıbir azyq-túlik ónimderi osy aıda dúnıege kelgenderdiń alergıasyn týdyrýy múmkin.

Qyrkúıekte týǵandar kóbine asqazan-ishekke baılanysty aýrýlarǵa tap bolyp jatady. Olarǵa turaqty túrde gastrıt, holesıstıt, pankreatıt jáne asqazan aýrýlary dıagnozdaryn qoıady.

Kóktemde dúnıege kelgen qazaqstandyqtar nevropotolgqa jıi qaralady. Zertteý nátıjesine sáıkes, olarǵa mıdyń qan tamyrlarynyń aınalymy buzylǵandyqtan serebrovaskýlárlyq aýrý dıagnozyn qoıady.