Qazaqstanda Uly Otan soǵysyna qatysqan jalǵyz Keńes odaǵynyń batyry qaldy dep habarlaıdy "QazAqparat".

Búginde Uly Otan soǵysyna qatysqan kózi tiri jalǵyz Keńes odaǵynyń batyry Almaty oblysynda turady. Bul týraly búgin ortalyq komýnıkasıalar qyzmetinde ótken brıfıńte «QR Ardagerler uıymy» qoǵamdyq birlestigi ortalyq keńesiniń tóraǵa orynbasary Bekbolat Muqyshev aıtty.

«Ókinishke qaraı, búginde Qazaqstanda Uly Otan soǵysyna qatysqan jalǵyz Keńes odaǵynyń batyry qaldy. Ol - Ivan Kosenkov. Ol kisi qazir Almaty oblysynda turady», -  dedi ol.

Ivan Kosenkov Keńes odaǵynyń batyry ataǵyn Ýkraına jerindegi Dnepr ózeni boıyndaǵy shaıqastarda kórsetken erligi úshin alǵan. Ol 333-atqyshtar dıvızıasynyń 1118-atqyshtar polki quramynda Máskeýden Bolgarıaǵa deıin bardy.

B. Muqyshevtyń  aıtýynsha, 2015 jyly ardagerlerdi Ýkraınadaǵy urys bolǵan jerlerge aparý josparlanǵan.

«Uly Otan soǵysyna qatysqan ákelerimiz ben atalarymyzdyń múrdeleri jatqan jerlerge ardagerlerdi aparý mindetti túrde qarastyrylǵan. oǵan ketetin shyǵyn tipti respýblıkalyq búdjette de josparlanǵan. El Úkimeti Jeńistiń 70 jyldyǵyna arnap qabyldaǵan sharalar josparynda osy másele de jan-jaqty qarastyrylyp otyr», - dedi ol.

Buǵan deıin habarlaǵanymyzdaı, búginde elimizde 5 115 Uly Otan soǵysynyń ardageri qaldy.