Jańa medıanyń ómirge kelýimen dástúrli BAQ-tyń gazet, jýrnal syndy nusqalary ózderiniń saıttaryn ashyp, keıin kele túgeldeı onlaın nusqaǵa kóship jatyr. Al, televıdenıe salasy áli de dáýrendep tur. Búgingi kúnde ǵalamtormen úzdiksiz baılanysy bar jastar teledıdar qaramaıdy desek artyq aıtqandyq bolmaıdy. Endeshe, «kók sandyqqa» da qaýip tónip tur ma?

Ǵalamtordaǵy vıdeohostıngterdiń ústemdiginiń aldyn alý úshin televıdenıeler kórsetilimniń onlaın nusqasyn jáne túrli baǵdarlamalar men shoýlardyń vıdeosyn saıttaryna ornalastyratyn boldy. Mysaly, qytaıdyń Hýnan telearnasy ózindegi birneshe baǵdarlamany qytaıǵa tynmal ınternette tike taratý baǵadarlamalarymen kelise otyryp júrgizip, 200 mıllıon ıýán(6 mıllıard teńge) kóleminde kiris kirgizgen. Al, búgingi kúnde Qazaqstanda júzege asyp jatqan telejobalardyń basym kópshiligi Youtube nemese Kaztube, Kiwi, Nur.kz, Namba sıaqty vıdeojelilerde keńinen tanymal bolyp talqylaýlarǵa túsip jatady. Tanymal saıttandyń TV nusqasy ashylyp, onda qozǵalǵan máseleler telearna jańalyqtarynda kóterilgen taqyryptardan áldeqaıda ónimdi kórilimge, yqpalǵa ıe bolyp jatyr. Ǵalamtorda vıdeoblog retinde sátti júrgizilgen jobalar telearnaǵa shyǵarylyp jatty. Tipti kóptegen telearnada ǵalamtor jaıly arnaı baǵdarlamalar ashylyp, dúmpý týdyrǵan jazbalarǵa nemese vıdeolarǵa sholý jasap otyratyn boldy. Qorta aıtqanda, telearnanyń BAQ sahnasynan yǵysýy áli erte bolǵanymen, kórermeniniń birazyn joǵaltqany shyndyq. Al, ǵalamtordaǵy beıneportaldardyń qoldanýshylary artpasa kemimeıdi.

M.Joshy