Eldiń bári kók esekke teris mingizip synap jatqan "juldyzdar aıtysyn" ǵalamtordan kórýdiń sáti búgin ǵana tústi. Ataqty satırık Petrosánnyń " Kóshege shyqsam "fılm dlá dýrakov" degen jarnamany oqyp kirdim, kórdim.Maǵan unady..." degeni sekildi men de qaradym jáne qatty unattym. Shoshıtyndaı dáneńe joq. Ólermen kúıdegi aıtysty óltirmeýdiń bir joly dep túsindim bul jobany jáne uıymdastyrýshylar maqsatyna jete bilgen. Aıtyskerlerge esh kiná artpaıyq, olar kásipqoı aqyndar. Al, ánshilerimizge úlken júrekpen, túsinikpen qaraǵan jón. Qalaı desek te olar el erkesi. Jobaǵa baılanysty keıbir tanymal azamattardyń da jazyp jatqany janashyrlyq shyǵar. Biraq ońasha ortada aıtylatyn, bir sáttik áserden alǵan áńgimeler ǵoı. Synaýshylardyń ishinde aıtysker áriptesterimizdiń nazy orynsyzdaý. Óziń qatyspadyń eken, óz "baqshańa" tas laqtyrmaı, tilektes bolǵan jón shyǵar.Jalpy óz basym aıtys jáne aıtysker jaıly jaǵymsyz pikirge shamam jetkenshe arasha bop jatam. Káris, úndi, túriktiń de taýsylmas serıaldaryn kórip keledi kórermen. Keıbir xalyq buqa súzistiredi, ıt, qoraz tóbelestiredi. Osy jerde TALǴAM men ÓRE jaıly áńgime qozǵalmaıdy ǵoı... Al, tolyq tabıǵaty qazaqta ǵana saqtalǵan asyl ónerimiz dese nege óre túregelemiz? Eń bastysy uıymdastyrýshylar "aqyndar men ánshiler aıtysady" degen joq, shoý ekenin ıaǵnı el kóńilin kóterý úshin jasalyp jatqan tájirbıelik baǵyttaǵy joba ekenin eskertti ǵoı. Onsyz da qazaq pen aıtystyń kóre almaıtyn kúnshilderi az emes, sondyqtan keń bolaıyq aǵaıyn !!! (Jalpy bul shoý aıtys jaıly jýyq arada keńinen taldaý jasarmyn...)

(Baýyrjan Halıollanyń feısbýktegi paraqshasynan)