Adam óltirdi degen kúdikpen Almatynyń 44 jastaǵy turǵyny ustaldy. Ol Qarasaı aýdanynda 2 jyldan beri tirkeýde turǵan. Bul týraly Qamshy.kz aqparat agenttigi Almaty oblystyq İİD-ine silteme jasap habarlaıdy.

2015 jyldyń 23 qyrkúıeginde Qarasaı aýdanyndaǵy saıajaılardyń birinde jas jigittiń óli denesi tabylǵan. Jedel izdestirý sharalary barysynda adam ólimine qatysty úsh kúdikti anyqtalǵan. Onyń ekeýi ustalyp, úshinshisi sytylyp úlgergen.

«Kúdiktini izdeý barysynda aýdannyń qylmystyq-tergeý bólimi túgel jumyldyryldy. Nátıjesinde 29 jeltoqsan kúni adam ólimine qatysy bar úshinshi qylmysker Almaty páterleriniń birinen tabyldy. Qazirgi ýaqytta ol Qarasaı aýdandyq ishki ister basqarmasynyń tergeý bóliminde otyr», - delingen oblystyq polısıa habarlamasynda.

Qylmystyq tergeý QR Qylmystyq kodeksiniń 99-babynyń 2-tarmaǵyna sáıkes júrip jatyr. Qylmysker qamaýǵa alyndy.