QR Aýyl sharýashylyǵy mınıstri Nurjan Áltaev qysqy ýaqytta kókónisterdiń qymbattaý sebebin túsindirdi, dep habarlaıdy Qamshy.kz aqparat agenttigi. Bul týraly Áltaevtyń óziniń Feısbýktegi paraqshasynda málimdedi.

«Birinshiden, Aýyl shaýashylyǵy mınıstrliginiń basty mindeti saýda salasyndaǵy baǵany retteý emes, aýyl sharýashylyǵyn damytý.

Ekzotıkalyq eldermen salystyrǵanda biz egin ósirýge kóbirek shyǵyndalamyz. Ondaı elderde qys mezgili bolmaıdy, bul da qunǵa áser etedi. Onyń ústine, bizde kókónisterdi maýsymaralyq jylyjaılarda ósiredi, bul da shyǵyn. Qysqy ýaqytta kókónisterdiń qymbattaýy, ókinishke oraı, dástúrge aınalyp ketti», - dedi vıse-mınıstr.

Nurjan Áltaevtyń aıtýynsha, eldegi kókónis baǵalarynyń qymbattaýyna Reseıdegi joǵary baǵa da yqpal etedi.

«Mınıstrlik qysqy ýaqytta kókónispen qamtamasyz etý sharalaryna aıtarlyqtaı kóńil bóledi.   Taǵy da qaıtalap aıtamyn, biz baǵany baqylamaımyz. Biz tek ónimge áser ete alamyz», - dedi Áltaev.

Sonymen qatar halyqty kókónispen qamtamasyz etý boıynsha mınıstrliktiń atqaryp jatqan sharalaryn atap ótti. Eń aldymen bul jańa jylyjaı sharýashylyqtaryn qurýǵa qoldaý kórsetý jáne t.b.