Qazaqstan Respýblıkasy Din isteri jáne azamattyq qoǵam mınıstriniń buıryǵyna sáıkes, 2018 jylǵy 15 qańtardan bastap «Úkimettik emes uıymdardyń óz qyzmeti jónindegi málimetterin usyný jáne olar týraly derekqordy qalyptastyrý erejeleriniń» jeńildetilgen nusqasy qoldanysqa engizildi, dep jazady Qamshy.kz aqparat agenttigi.
Jeńildetilgen Erejelerge sáıkes:
- ÚEU derekqoryna málimetterdi engizý boıynsha nysan ońtaılandyryldy: birqatar tarmaqtar joıyldy jáne naqtylandy, yńǵaıly toltyrý úshin aqparat keste túrinde usynyldy;
- nysandy toltyrý barysynda durys jáne júıelengen aqparatty qamtamasyz etý úshin óńirler, uıym qyzmetiniń baǵyttary, onyń uıymdastyrýshylyq-quqyqtyq nysandar boıynsha tıisti tizimder qosyldy;
- quryltaı qujattardy, býhgalterlik teńgerimdi usynýǵa talap etetin normalar joıyldy;
- uıymnyń kiris jáne shyǵys týraly tarmaqtar salyq esebiniń nysanyna sáıkestendirildi.
2017 jylǵy 1 naýryzdan bastap «ÚEU derekqory» aqparattyq resýrsy (infonpo.kz) óz jumysyn bastaǵan bolatyn. Málimetterdi infonpo.kz veb-portal arqyly elektrondyq túrde usyný úshin Halyqqa qyzmet kórsetý ortalyǵynan (HQKO) elektrondyq sıfrlyq qoltańba (ESQ) alý qajet.
Málimetterdi poshta arqyly nemese qaǵazdy jáne elektrondyq tasymaldaýshyda (CD-dıskter nemese DOC, DOCX formatynda USB-flesh arqyly) qolma-qol tapsyrý balamaly nusqa bolyp tabylady. ÚEU týraly málimetterdi ilespe hatpen qosyp, poshta arqyly nemese qolma-qol kelesi meken-jaıǵa joldaýǵa bolady: 010000, Astana q., Esil aýdany, Máńgilik El dańǵyly, 8, 15-shi kireberis, Qazaqstan Respýblıkasy Din isteri jáne azamattyq qoǵam mınıstrliginiń Azamattyq qoǵam isteri komıteti.
Infonpo.kz aqparattyq resýrsy iske qosylǵan 1 jyl ýaqyt ishinde óz qyzmeti týraly málimetterin elektrondyq túrde belgilengen merzimde 3000 myńǵa jýyq ÚEU (úkimettik emes uıymdar) usynǵan. Bul saıtpen jumys júrgizýdiń qoljetimdiligi men esep berý nysandardy toltyrý rásiminiń jeńildegenin kórsetedi.
Joǵaryda baıandalǵannyń negizinde infonpo.kz aqparattyq resýrsy arqyly úkimettik emes uıymdardyń 2017 jylǵy qyzmetteri týraly málimetterin 2018 jyldyń 31 naýryzyna deıin tapsyrýlaryn suraımyz.
