2018 jyldyń 15-18 qańtar aralyǵynda Qazaqstan Respýblıkasy Ulttyq ulanynyń Bas qolbasshylyǵynda «Úzdik batalón komandıri», «Batalónnyń úzdik shtab bastyǵy» jáne «Batalón komandıriniń tárbıe jáne áleýmettik-quqyqtyq jumystar boıynsha úzdik orynbasary» júldeleri úshin baıqaýdyń qorytyndy kezeńi ótkiziletin bolady, dep jazady Qamshy.kz aqparat agenttigi.

Baıqaý sharasyna  qatysýshylarǵa qoıylar basty talap – Ulttyq ulan áskerı qyzmetshisiniń laýazymy boıynsha biliktilik talaptary men bilim deńgeıiniń tolyqtaı saı bolýy.

Atalǵan baıqaý sońǵy tórt jyl kóleminde úzbeı ótkizilip keledi. Sharanyń negizgi maqsaty - bólimshelerdegi qyzmettik-jaýyngerlik is-áreketterdi jetildirý, ofıserlerdiń komandırlik daıyndyq deńgeıin arttyrý, batalón zvenosy boıynsha laýazymdyq tulǵalardyń kásibı biliktiligin arttyrýǵa yntalandyrý, alǵy tájirıbelermen almasý, Ulttyq ulan áskerı qyzmetshileriniń bedelin qalyptastyrý bolyp tabylady.

Úzdik ofıserlerdi anyqtaýǵa arnalǵan baıqaý olardyń jyl boıǵy atqarǵan qyzmettik-jaýyngerlik qyzmetteriniń nátıjesinde júrgiziletin bolady. Bıyl dodaǵa Ulttyq ulannyń óńirlik qolbasshylyqtarynda uıymdastyrylǵan baıqaýdyń birinshi kezeńinen ótken 19 ofıser qatysyp otyr.

Osy kúnderi baıqaýǵa qatysýshylar saptyq, taktıkalyq jáne dene shynyqtyrý daıyndyqtary boıynsha normatıvterdi, atý jáne atysty basqarýdan synaqtar, sonymen qatar jalpy áskerı jarǵy talaptaryn bilýden emtıhan tapsyratyn bolady. Baıqaýda júldeli oryndarǵa qol jetkizgen jeńimpazdar Bas qolbasshylyq tarapynan qurmet gramotalary jáne aqshalaı marapattarǵa ıe bolyp qana qoımaı, QR Ulttyq ulanynyń komandalyq zvenosynyń kadrlyq rezervine engizilip, joǵary laýazymdarǵa kótermelenip, usynylatyn bolady.

Atý jáne atysty basqarýdan synaqtar, sonymen qatar dene shynyqtyrý boıynsha synaqtar  Ilınka kenti («Úrker» yqsh. aýd.), 5573 áskerı bólimi  16 qantar kúni saǵat 10.00-de ótedi.

Kólikpen jetkizý uıymdastyrylady. Avtokólik 16 qantar kúni saǵat 09.00-da «Qazmedıa» ortalyǵynan attanady.

Baıqaý jeńimpazdaryn marapattaý sharasy 2017 jyldyń 18 qańtarynda QR Ulttyq ulanynyń Bas qolbasshylyǵynda myna mekenjaı boıynsha: Astana q., Jangeldın kósh. 2, saǵat 13.00-de ótedi.

BAQ ókilderin atalǵan sharaǵa aqparattyq qoldaý kórsetýge shaqyramyz.

Akredıtasıa úshin baılanys telefondary:72-40-85, 87752585221 (Oljas), e-mail.ru: press_kvv@mail.ru