Almaty qalasynyń Óńirlik kommýnıksıalar qyzmetinde ótken brıfıń barysynda Almaty qalasy Qoǵamdyq densaýlyq saqtaý departamentiniń basshysy Aızat Moldaǵasımova saraptama qorytyndysy boıynsha 264 synama (10,1%) qoldanystaǵy zańnamanyń talaptaryna saı kelmeıtindigin aıtty.
Olar:
- tamaq ónimderi – 2048 synamanyń 213-i (10,4%),
- balalarǵa arnalǵan taýarlar - 84 synamanyń 16-sy (19%);
- oıynshyqtar - 81 synamanyń 17-i (21%);
- hımıalyq, munaı-hımıa jáne turmystyq buıymdar – 127 synamanyń 6-y (4,7%);
- jeńil ónerkásip ónimderi – 20 synamanyń 8-i (40,0%)
Azyq-túlik ónimderiniń (bótelkedegi quıylmaly sý, nan-toqash ónimderi, alkogólsiz sýsyndar), parfúmerıa men kosmetıka, baspa ónimderiniń jekelegen túrlerine júrgizilgen saraptama nátıjeleri sáıkes kelmeýlerdi anyqtaǵan joq.
Sáıkes kelmeıtin ónimder kelesi saýda alańdarynda satyldy: «Alma RS» JSHS, Myrzabekov JK «Nurly» dúkeni, «Snet-Át Mınıso» dúkeni, «Germes Treıd» JSHS, «Realıs» dúkeni, «Han Táńiri» dúkeni «Alma» JK, sýpermarket «Nazere» Mýsaev A. JK, «MINISO» dúkeni, «DAEHO» dúkeni JSHS, «Bahtıar» shaǵynmarketi jáne t.b.
– İshki óndiris ónimderi sáıkes emestigi boıynsha alǵashqy qatarda keledi, naqtyraq aıtqanda 12,8% paıyz kórsetkishti jáne 3 shet eldik óndiris 11,1% paıyz kórsetkishti qurady. Buzýshylyqtardyń eń kóp kórsetkishi tańbalaýdyń sáıkes kelmeýine – 72% (2016 jyly 67%), mıkrobıologıalyq kórsetkishterke sáıkes kelmeýi boıynsha 30% ótken jylmen salystyrǵanda 31% teń, – dep habarlady Aızat Moldaǵasımova.
