Parasetamol dárisin adamdar kóbine bas aýrýyna shıpa bolsyn dep ishedi. Denedegi qyzýdy tómendetetin áseri taǵy bar. Alaıda bir aýrýǵa em bolǵan dáriniń aǵzanyń ózge tusyna zıan ekeni anyqtaldy, dep jazady Qamshy.kz aqparat agenttigi.

Amerıka ǵalymdary osyǵan oraı zertteý jasap kórdi. Tájirıbege 18 jastan asqan 455 adam óz erkimen qatysty. Sonymen qosa, 1880 eýropalyq egizder men 1235 afroamerıka jáne ıspan tuqymdarynyń arhıv qujattary qaraldy.

Mamandar parasetamol dárisin jıi paıdalanǵan  emdelýshilerdiń aǵzasynan bedeýlikti baıqaǵan. Dáriniń densaýlyqqa keri áseri – jynystyq múshege áser etip, nátıjesinde bedeýlikke shaldyqtyrady. Al aıaǵy aýyr áıelder bul dárini qabyldasa, embrıonnyń júıke júıesiniń damýynda másele týyndaýy yqtımal.