Memleket basshysy Qazaqstan halqynyń jáne jeke óziniń atynan Armen Sarkısándy Armenıa Respýblıkasynyń Prezıdenti bolyp saılanýymen quttyqtady. Bul týraly Qamshy.kz aqparat agenttigi Aqordanyń baspasóz qyzmetine siltemejasap habarlaıdy.

«Sizdiń kásibı biliktiligińiz ben ómirlik tájirıbeńiz dostas Armenıanyń qarqyndy damý jolynda jańa tabystarǵa qol jetkizýine múmkindik beredi dep senemin.

Sizdiń belsendi qoldaýyńyzdyń arqasynda Astana men Erevan arasyndaǵy dostyq pen ózara tıimdi yntymaqtastyqqa negizdelgen qarym-qatynastar aldaǵy ýaqytta da elderimizdiń ıgiligi úshin damı beredi dep oılaımyn.

Sizge zor densaýlyq, jaýapty qyzmetińizde tabys, al Armenıa halqyna beıbitshilik pen baq-bereke tileımin», – delingen jedelhatta.