2018 jyldyń 12 naýryzynda Qazaqstan Jazýshylar odaǵynyń tóraǵasy bolyp Ulyqbek Esdáýlet saılandy. 13 naýryzda ol tóraǵalyq qyzmetine resmı kiristi, dep habarlaıdy Qamshy.kz aqparat agenttigi.

Aqyn Janarbek Áshimjan jańa tóraǵanyń qyzmetine kirisken sátinen foto sýretter jarıalady.

Ulyqbek Esdáýlettiń orynbasary bolyp Baqyt Bedelhan, Aqberen Elgezek, Mereke Qulkenov pen Baýyrjan Jaqyp taǵaıyndaldy.

Tóraǵa bolyp saılanǵan Ulyqbek Esdáýlet jýrnalıserge bergen suhbatynda eń birinshiden odaqty batyp otyrǵan shyǵyndardan qutqarý máselesin kóteretinin aıtty.

«Alty aı boıy jazýshylar odaǵynyń qyzmetkerleri aılyq degendi kórgen joqpyz. Salyq pen jalaqyny tóleı almaı otyrǵan jazýshylar odaǵyna meni tóraǵa etip saılap, úlken jaýapkershilik júktep qoıdy. Buǵan qatty qýanarlyqtaı jaǵdaıym joq. Men ıyǵyma túsip turǵan aýyr júkti sezip turmyn. Endigi maqsat -  Jazýshylar odaǵynyń jaǵdaıyn túzetý. Jazýshylardyń jaǵdaıyn jasaý sekildi másele sonymen qosa júredi», - degen edi jańa tóraǵa.