Baqytjan Saǵyntaev búgin «Nurly jer» memlekettik baǵdarlamasy aıasynda salynyp jatqan  «Shymkent City» turǵyn alabyna bardy, sondaı-aq prezıdenttiń «Árbir otbasyna baspana alýdyń jańa múmkindikterin berý» birinshi áleýmettik bastamasyn oryndaý josparymen tanysty.

Nysandy tekserý barysynda QR Premer-Mınıstri Baqytjan Saǵyntaevqa «Shymkent Sity» turǵyn úı kesheni 56 myń turǵynǵa arnap salynyp jatqany aıtyldy. 427 ga aýmaqta 2025 jylǵa deıin 324 turǵyn úı, 7 mektep jáne 21 balabaqsha salynady.

Jalpy alǵanda, «Nurly jer» baǵdarlamasy aıasynda 2018 jyly 7 665 páterdi tapsyrý kózdelgen. Búgingi tańda oblysta 277 kópqabatty turǵyn úı (13 009 páter) salynyp jatyr. Jyl sońynda 129 úı (4 582 páter) paıdalanýǵa beriledi.

Óz kezeginde «Bazıs-A» korporasıasynyń ókili A. Ómirzaqov áleýmettik nysandardyń qurylysy týraly aıtyp berdi: 8 myń adam syıatyn «Shymkent Arena» sport kesheni; sondaı-aq «Kongres-ortalyq», onda bir mezgilde 2 myńǵa jýyq adam bos ýaqytyn ótkize alady. Sonymen qatar, «Shymkent» ÁKK tóraǵasy A. Aldajarov oblys ortalyǵynda jańa áýejaı termınalyn salý tujyrymdamasymen tanystyrdy.