2013 jyly Qytaıda otbasylyq jup jasandy uryqtandyrý arqyly balaly bolýdy kózdep, birneshe embrıondy saqtap qoıǵan.

Kólik apatynan keıin qaıtys bolǵan juptyń ata-analary embrıondardy qoldanýǵa ruqsat alý úshin sotqa aryzdanyp, sotta jeńip shyqqan.

Jeltoqsanda balany sýrrogat ana dúnıege ákeldi. Ol – Laos turǵyny.

Kólik apaty kezinde embrıondar Nankın qalasynda mınýs 196 gradýsta suıyq azotpen saqtalǵan.

Uzaq ýaqytqa sozylǵan tekserý jumystarynan keıin, sot apatta mert bolǵan juptyń ata-anasyna embrıondardy berý týraly sheshim shyǵardy.

Jergilikti BAQ-tyń málimetinshe, Qytaıda buryn-sońdy ata-ana óz balalarynyń embrıondaryn paıdalanýǵa ruqsat almaǵan.

Qytaıda sýrrogat ana bolýǵa zańmen tyıym salynǵandyqtan balanyń ájeleri men atalary shetelge shyǵýǵa májbúr bolǵan. Olar Laostaǵy sýrrogat analardyń qyzmetin usynatyn agenttikke júgingen.

2017 jyly jeltoqsanda Tántán esimdi bala dúnıege kelgen.