Búgin Astanada úshinshi márte ótip jatqan Eýrazıa halyqaralyq kitap kórmesinde «Folıant» baspasynyń uıymdastyrýymen «Jańa zaman Ázirbaıjan poezıasynyń antologıasy» atty kitaptyń tusaýy kesildi dep jazady Qamshy.kz aqparat agenttigi. 

Saltanatty rásimge qandas aqyndar Ekber Goshaly, Ilgar Túrkogly, Iylmaz Okýgly kelip qatysty.
Jıyndy Qazaqstan Jazýshylar odaǵynyń tóraǵasy Ulyqbek Esdaýlet jáne Ázerbaıjannyń Qazaqstandaǵy tótenshe jáne ókiletti elshisi Rashad Mamedov ashyp berdi.

Ázirbaıjan shaıyrlarynyń tárjimalanǵan jyrlaryn Ońaıgúl Turjan, Mıras Asan, Janat Jańqash, Oljas Qasym, Aızada Rahymjanova, Raýan Qabıdoldın syndy aqyndar oqydy.  Jaryq kórip otyrǵan antologıaǵa 40-tan astam qandas aqyndardyń óleńderi engen.

Igi sharaǵa  Dáýletkereı Kápuly, Tanagóz Tolqynqyzy bastaǵan aqyndar muryndyq boldy. Aıta keteıik, byltyr "Qazirgi qazaq poezıasynyń antologıasy" degen atpen qazaq aqyndarynyń óleńderi ázirbaıjan tilinde shyǵyp, atalmysh jınaqtyń tusaýy Bakýde kesilgen bolatyn.