Almaty oblystyq №1 balalar úıindegi tárbıelenýshileriniń sany jyl ótken saıyn azaıyp jatyr. Osydan eki jyl buryn bul jerde 197 bala bolsa, qazir 122 bala qalǵan. Basshylar bunyń sebebin jetimderdi asyrap alýǵa nıetti adamdar sanynyń artýymen túsindirdi. Árbir jetimdi asyrap alǵan adamǵa memleket qamqorlyq kórsetip, aı saıyn aqsha bólip otyrady. Biraq olardyń alýshylardyń arasynda balany qolǵanat retinde kórip, ári memlekettiń aqshasyn alý maqsatynda pendelikke baratyndarda bar kórinedi. Tek sońǵy ret asyrap alynǵan segiz balanyń jaǵdaıy jaqsy bolmaǵan soń keri qaıtyp kelgen.

«Ata-analardy shaqyryp, eriktilerdi de shaqyryp, osynda Naýryz meıramyn ótkizip jatqan jaıymyz bar. Qazirgi tańda bizdiń balalar úıinde segiz ulttyń ókili tárbıelenip jatyr. Báriniń jaǵdaıy jaqsy. Balalar úıi qoǵamǵa tolyqtaı ashyq dep aıta alamyn. Eshkim kirmesin, joq degen áńgime joq. Búkil respýblıkalyq baza bar. Bazadan balany kórýge bolady. Sol arqyly bizge kelip, balalardy asyrap alýǵa bolady», - dedi Almaty oblystyq №1 balalar úıiniń dırektory Gúlmıra Qondybaeva. 

Baǵanashyldaǵy balalar úıinde alǵash ret kıiz úı tigilip, áz-Narýyz keń kólemde toılandy. «Ata-ananyń yqylasyna zárý, ulttyq salt-sana, qazaqy dástúrden ada qalyp kelgen jetkinshekterge jańa jyl, ıaǵnı Narýyz merekesiniń berer tárbıesi mol» - dedi saltanatty sharaǵa kelgen qonaqtar.

«Munda bizdi kıiz úıdi tigýge úıretedi, Narýyzda qazaqtyń ulttyq taǵamdaryn daıyndaýǵa úıretedi. Bul merekege biz kóp ýaqyt daıyndaldyq. Kostúm tiktik. Konserttik ánder daıyndadyq», - dedi  Almaty oblystyq №1 balalar úıiniń tárbıelenýshisi  Artem Osmanov.