Olardyń advokaty Baqyt Súleımenovanyń sózinshe, ekeýin de áleýmettik jelilerde «terorızmdi nasıhattady» degen kúdikpen ustaǵan.

«Olar biz eshnárse taratpadyq. Tek bizdiń ilgen aýdıony tyńdaǵan adamdar bolǵan. Bireýiniń dostyǵynda 420 adam bolǵan, ekinshisinde 300 adam bolǵan», — deıdi advokat.

Ǵalymjan Ábilqaırovtyń áıeli Jadyra Bekenova tyıym salynǵan dinı aýdıoleksıany kúıeýi men Dadash Majenovtiń 2016 jyly «VKontakte» jelisi arqyly tyńdaǵanyn, keıinnen olardy óshirip tastaǵanyn aıtady.

"Bul eki jyl buryn bolǵan oqıǵa. Ol kezde bul faıldarǵa tyıym salynbaǵan. Tek 2017 jyly ǵana tyıym salý jóninde sheshim shyqqan. Odan keıin kúıeýim olardy birden óshirip tastady. Biraq olar Internettiń bazasynda qalyp qoıady eken (google-cash bolýy múmkin. —​ red.), UQK taýyp alǵan», - deıdi Jadyra Bekenova.

Onyń sózinshe, Dadash Majenov «VKontakte» jelisindegi paraqshasyn áldeqaıda óshirip tastaǵan.

Ulttyq qaýipsizdik qyzmetiniń baspasóz qyzmeti resmı suraýsyz túsinikteme berýden bas tartty.