Ońtústik Koreıa basshysy Mýn Chje In men KHDR prezıdenti Kım Chen Yn eki memleket arasyndaǵy qarym-qatynastyń ońalýyna baılanysty tatýlyq sımvoly retinde aǵash otyrǵyzbaqshy. Bul týraly beısenbide Koreıa Respýblıkasy prezıdenti ákimshiliginiń basshysy Im Chjon Sok málimdedi, dep habarlaıdy TASS agenttigi.

«Túske taman qos prezıdent tatýlyq pen órkendeý jolynda aǵash otyrǵyzady», - dedi ol.

Im Chjon Soktyń sózinshe, eki eldiń kóshbasshylary 1953 jyly Koreıa soǵysy aıaqtalǵannan keıin Seýl men Phenán bitimgershilik kelisimge qol qoıǵan ýaqytta alǵash ret ósirilgen qaraǵaı aǵashyn otyrǵyzady. Aǵash janyna «Bul jerde Beıbitshilik pen Órkendeý tamyry etek jaıdy» dep jazylǵan taqtaısha ornatylady.

Eki el arasyndaǵy tarıhı kezdeý 27 sáýirde Phanmýdjom shekara pýnktinde ótedi.