V Halyqaralyq Farabı oqýlarynyń aıasynda QazUÝ-da aýqymdy is-shara ótkizildi.

Atalǵan shara barysynda QazUÝ ǵalymdarynyń ǵylymı-zertteý jumystary týraly aıtyldy.

Jumys nátıjelerin qorytyndylaı kele, «Web of Science» jáne «Scopus» derekqorlarynda ındeksteletin halyqaralyq basylymdardaǵy jarıalanymdar sany jyldan jylǵa ósip kele jatqandyǵy atap ótildi. Bul eń aldymen ǵylymı zertteýler sapasynyń artýy men álemniń aldyńǵy qatarly ýnıversıtetteri men ǵylymı-zertteý ortalyqtarymen yńtyqmastyqtyń arqasy.

Mysaly, halyqaralyq zertteý toptarynda jumys istegen QazUÝ ǵalymdary K.Kýratov pen V. Zaıberttiń eki maqalasy «Nature» jáne «Science» atty eń joǵary ımpakt-faktor kórsetkishterine ıe bedeldi ǵylymı jýrnaldarynda basylyp shyqty. Aıta ketý kerek, joǵary reıtıńilik basylymdardaǵy árbir besinshi qazaqstandyq maqala - QazUÝ ǵalymdarynyń úlesi.

Hımıa jáne hımıalyq tehnologıa fakúltetiniń profesory G.Mýn ınterpolımer keshenderi ǵylymyndaǵy tanylǵan kóshbasshy bolyp tabylady. Ǵylymı álemdegi bedeldi «Web of Science» agenttiginiń málimeti boıynsha atalmysh ǵalym jáne onyń shákirti V. Hýtoránskıı osy ǵylymı baǵyt boıynsha ǵalymdardyń álemdik reıtıńisinde birinshi orynǵa ıe.

Ál-Farabı atyndaǵy QazUÝ ǵalymdary álemdegi uqsastyǵy joq ınovasıalyq tehnologıalardy damytýda. Osylaısha, rektor, akademık Ǵ.Mutanov basqarǵan ǵalymdar toby berılı alýdyń ınovasıalyq tehnologıalaryn qurdy jáne úsh AQSH patentin ıelendi.

QazUÝ-dyń ǵylymı mektebi teorıalyq plazma fızıkasy boıynsha álemdik jetistikterimen tanymal. Akademık T. Ramazanovtyń jetekshiligimen QazUÝ ǵalymdary ázirlegen teńdeýler men modelder negizinde álemniń tanymal ýnıversıtetteri beısyzyq plazmalardyń qasıetteri boıynsha zertteýler júrgizýde. Mektep ókilderiniń ǵylymı maqalalaryna álemniń ǵalymdary tarapynan úsh myń ret silteme jasalynǵan.

Sońǵy úsh jylda QazUÝ-daǵy ǵylymı zertteýler sany eki esege artqandyǵyn atap ótý qajet.