Almatyda basketboldan stýdentter ulttyq lıgasynyń birinshi maýsymy aıaqtaldy. Ol 2017-shi jyldyn kúz aıynan bastap ótkizilgen bolatyn.
Búgin Almatynyń «Dostyq» sport kesheninde ótken fınaldyq oıyndardynyń nátıjesi boıynsha qyzdar komandalary arasynda lıganyń jeńimpazy bolyp Qazaq Ulttyq Qyzdar Pedagogıkalyq ýnıversıtetiniń stýdentteri atandy. Olar Squirels KazNU ujymyn 57:53 esebimen utty. Al, úshinshi oryndy pavlodarlyq PMPÝ ıelendi.
Uldar arasynda H.Dosmýhamedov atyndaǵy Atyraý Memlekettik Ýnıversıtet komandasy chempıon atandy. Olar tartysty ótken kezdesýde almatylyq «IT Legions» klýbyn jeńdi - 63:58. Qola júldeni Ál-Farabı atyndaǵy KazUÝ stýdentteri ıelendi.
Jeńimpazdar men júldergrler medal, kýbok jáne aqshalaı syılyqtarmen marapattaldy. Birinshi oryn 1 mln. teńge, ekinshi oryn 750 myń teńge, úshinshi oryn 500 myń teńge. (qyzdar) jáne uldarǵa ár orynǵa 500 myń teńgeden.
- Bul lıga óte keremet. Elimizde bundaı bastama bolmaǵaly kóp boldy. Búgin fınal óte tartysty, ári qıyn boldy. Qarsylastarymyzdyń daıyndyǵy kúshti. Biraq bizdiń jigitter jarady. Olarǵa alǵysym sheksiz. Endi alda Máskeýde oıyndar kútip tur. Barymyzdy salyp, elimizdiń úmitin aqtaýǵa tyrysamyz, - dep óz oıymen H.Dosmýhamedov atyndaǵy Atyraý Memlekettik Ýnıversıtetiniń bapkeri Rústem Tóleýov bólisti.
Aıta ketý kerek, bul fınaldyq oıyndar 21-24-shi sáýir aralyǵynda toptyq kezeńnen bastalǵan bolatyn. 24 komanda qatysyp óz tobynda úzdik bolyp, ujymdar (16 uldar jáne 8 qyzdar) júldeli oryndarda baq synasty.
Osy lıganyń basshysy Mıras Býrkashevtyń aıtyýnsha osy lıgaǵa qatysýǵa nıet bildirgen komandalar sany óte kóp. Kelesi maýsymda olardyń sany taǵyda ósýi múmkin. Tek ol JOO-nyń ınfroqurylymdaryna baılanysty. Onyń aıtýynsha kelesi maýsym qazannyń basynan bastalyp, sáýirdiń sońyna deıin jalǵasady. Biraq fınaldyq kezdesýler endi Almatyda emes, basqa qalada ótkiziledi.
Týrnırdiń sheshýshi kezeńiniń úzdik oıynshylary, ıaǵnı H.Dosmýhamedov atyndaǵy Atyraý Memlekettik Ýnıversıtetiniń oıynshylaryISBC Halyqaralyq Kýbogyna qatysady. QR Ulttyq basketbol Federasıasy stýdenttik qaýymdastyǵynan Qazaqstan qurama komandasynyń halyqaralyq stýdenttik Kýbogyna shaqyrýyn qabyl aldy. Basketbol dodasy mamyrdyń 17-i men 24-i kúnderi Reseı astanasy Máskeý qalasynda ótedi.
