Almatyda bokstan jastar arasyndaǵy QSRO-nyń sport sheberi, QR eńbek sińirgen bapkeri Amalbek Tshanovtyń júldesine arnalǵan V halyqaralyq týrnıri aıaqtaldy.
Jarys Respýblıkalyq sport kolejiniń jeńil atletıka manejinde «Sporttyq Almaty» baǵdarlamasy aıasynda tórt kún boıy ótti. Osy dodaǵa 130-dan asqan elimizdiń ár óńirinen jáne Qyrǵyzstan, Reseı, Belarýs, Ózbekstan jáne Tájikstan elderinen kelgen 2000-2001-shi jylǵy boksshylar óz baqtaryn synady.
Boks dodasy 10 salmaq dárejesi boıynsha Halyqaralyq boks federasıasynyń erejesine sáıkes ótkizilgen jarystyń qortyndysy boıynsha Artýr Negapetán (Reseı), Daýlet Seıdalıev, Temirlan Dúsýpov, Álimjan Tursynov, Nurdos Tólebaı, Kırıll Novoselov (Reseı), Aleksandr Sheshýnov (Reseı), Shynarbek Batınýl, Dmıtrıı Zaharov (Reseı) jáne Evgenıı Rábshen (Reseı) chempıon atandy.
Jeńimpazdar men júldegerler gramota, medal jáne baǵaly syılyqtarǵa ıe bolady. Sonymen qatar, «týrnırdin úzdik boksshysy» reseılik 69 keli salmaqta óner kórsetken Kırıll Novoselov atansa, «úzdik tóreshi» bolyp AIBA tóreshisi Mıhaıl Shashkov tanyldy.
- Bul týrnır jaqsy ótti dep oılaımyn. Qatysýshylar sany bıyl kóp boldy – 133. Olardyń deńgeıi byltyrǵydan qaraǵanda ósken. Barlyǵyda dán rıza, jankúıerler de keremet qoldaý kórsetti. Jeńimpazdardyń barlyǵy sport sheberi ataǵyn aldy. Bizdiń sportshylarda bar kúshterin salyp tyrysty, nátıjeler kóńilimnen shyqty, degenmen áli de daıyndyq qajet. Bolashaqta olar ózderin bıikterden kórsetedi dep senemin, - dep Amalbek Tshanov qortyndylady.
Aıta keter jaıt, bul týrnır osymen ekinshi jyl shet elden kelgen sportshylardyń qatysýymen ótkizildi. Onyń basty maqsaty boks sport túrin jastardyń arasynda damytý jáne olardy sport sheberligine daıyndaý bolyp tabylady.
