Balýan Sholaq atyndaǵy sport saraıynda hokeıden áıelder arasyndaǵy Qazaqstan birinshiliginiń úshinshi týry jalǵasýda.

Búgin chempıonattyń úzdik komandalary "Aısulý" men "Tomırıs" bástesti. Machtyń eki kezeńinde de xokkeıshiler qarsylastar qaqpasyna shaıba soqqan joq. Shabýyldar bolǵanymen, eshteńe shyqpady, esep ózgerissiz 0:0. Alaıda, sońǵy kezeńde almatylyqtar jınalyp, komandasyna eki upaı syılady. Machtyń nátıjesi boıynsha "Aısulý" 3:0 esebimen astanalyq xokkeıshilerdi tize búktirdi. 

- Eki kezeńde nátıjesiz boldy, meniń oıymsha, biz oıynnyń basynda jınala almadyq, taktıkalyq ádister de oıdaǵydaı shyqpady. Búgingi mach sátsiz bastalǵanymen, oıynnyń sońynda biz jınalyp, jeńe aldyq. Birinshi shaıbany bizdiń kapıtan soqsa, komandamnyń kómegimen sońǵy ekeýin ózim soqtym, - dep bólisti "Aısulý" xokkeıshisi Merýert Ryspek.

Bul machtan keıin kishi «Aısulý U-18» ben «Gornák» jarys jolyna shyqty. "Aısulýdyń" izin qýǵan kishi komanda da búgin jeńiske jetti. Olar "Gornákty" 6:0 esebimen oısyrata utty.

Eske sala ketsek, almatylyq «Aısulý» men «Aısulý-18» komandalary qonaqtardy kúndelikti saǵat 10:00-de jáne 12:40-ta qabyldaıtyn bolady. Oıyndar sport saraıynyń kishi zalynda ótedi. Aıta keter jaıt, el chempıonatynda almatylyq «Aısulý» birinshi orynmen kósh bastap tur.

Qazaqstan chempıonatynyń oıyndar kestesi:

23 sáýir

10:00. «Aısulý» - «Torpedo»

12:40. «Aısulý-18» - «Tomırıs»

24 sáýir

10:00. «Tomırıs» - «Torpedo»

12:40. «Aısulý» - «Gornák»