Kásibı boksshy jáne álem chempıony Qanat Islam Street Workout KZ is-sharasyna qatysqan QR Mádenıet jáne sport mınıstri Arystanbek Muhamedıulynyń bastamasyn qoldady.

AQSH-taǵy Florıda shtatynda turyp jatqan Qanat Islam Qazaqstandaǵy oqıǵalardy únemi baqylap júredi. Ol jastardy buqaralyq sportqa tartýǵa baǵyttalǵan respýblıkalyq joba jaıly oqı sala, qazaqstandyqtardyń belsendi ómir saltyna qatysýǵa sheshim qabyldaǵan.

«Men álem chempıony, kásibı boksshy Beıbit Shúmenov pen aralas jekpe-jektiń álem chempıony Ardaq Nazarovqa joldaımyn», - delingen sportshynyń vıdeo joldaýynda.

2017 jyldyń 9 qyrkúıeginde Astana tórinde Qanat óziniń kezekti jeńisine jetip, Kanadalyq Brendon Kýkti nokaýtqa jiberip, 25-shi jeńisine qol jetkizdi, atalmysh jeńisimen qazaqstandyqtardy sportqa yntalandyra túsken edi. Jalpy Qanat Islam 25 kezdesýdiń 25-inde de jeńiske jetken. Ol WBA Inter-Continental, WBO NABO (2017-n.v.), WBO Inter-Continental, WBA Fedelatin ı WBA Fedecaribe nusqalarynyń 1-shi orta salmaqtaǵy ıegeri. Endi álemge áıgili kásibı boksshy qazaqstandyq estafetaǵa da qatysýda.

Esterińizge salsaq, Mádenıet jáne sport mınıstri «Street Workout KZ» baıqaýyn bastaǵan edi. Arystanbek Muhamedıuly olımpıada chempıony Serik Sápıevke, ánshi Qaırat Nurtasqa jáne akter Ádil Ahmetovke estafetany tapsyrdy. Sodan keıin Bahtıar Artaev, İlıas Súleımenov, Denıs Ten, Galıb Djafarov, Arman Chılmanov sıaqty áıgili sportshylar mınıstrdiń bastamasyn qoldap, estafetany jalǵap ketken edi.

Siz konkýrsqa qatysa otyryp, ózińizdiń qala nemese aýylyńyz úshin StreetWorkout arnaıy alańyn, sondaı-aq aqshalaı syılyqty utyp alasyz. Baıqaýdyń sharttary «Challenge Street Workout KZ» saıtynda ornalastyrylǵan.

Baıqaý 10 maýsymǵa deıin jalǵasady.