Qazaqstandyq kásipqoı boksshy, orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkın men amerıkalyq boksshy Vanes Martırosán salmaq ólsheý rásiminen ótti, dep jazady Qamshy.kz aqparat agenttigi.
Genanyń salmaǵy 160 fýnt bolsa, Vanes 159,6 fýnt boldy. Iaǵnı qazaqstandyq boksshy 72,574 kg, amerıkalyqtyń salmaǵy 72,393 kg-dy tartty. Salmaq aıyrmashylyǵy 181 gram ǵana. Orta salmaqtaǵy boksshylar shekteýi 160 fýnt bolyp sanalady.
Erteń, 6 mamyr kúni tańda qos boksshynyń arasyndaǵy kezdesý ótedi.
GGG bul kezdesýden 1 mıllıon dollar kóleminde syıaqy alsa, Vanes Martırosán 225 myń dollar tabysqa keneledi. Al jekpe-jekten túsetin qarjy bul tabysqa kirmeıdi. Ony boksshylar bólek alatyn bolady.
Vanes Martırosán tegi armenıalyq boksshy. Ol 4 jasqa tolǵanda otbasy AQSH-qa qonys aýdarǵan. Al bokspen 7 jasynan bastap shuǵyldana bastaǵan. Ákesiniń ózi áýesqoı boksshy bolǵan. Ulynyń da boksta bıik belesterdi baǵyndyrǵanyn qalaǵan.
Ol kásipqoı bokstaǵy barlyq jekpe-jekterin birinshi orta salmaqta ótkizgen. 33 jekpe-jekte qatarynan jeńiske jetken. 2012 jyly kýbalyq Erıslandı Laramen teń túsedi. Araǵa bir jyl sala amerıkalyq boksshy Demetrıýs Andradege upaı aıyrmasymen jol berip, alǵash ret jeńiledi.
2015 jyly otandasy Djermell Charlodan jeńilgen. 2016 jyly kýbalyq Erıslandı Laraǵa qarsy kezdesý ótkizip, upaı aıyrmasymen utylǵan. Odan bergi 2 jyl ishinde sharshy alańǵa shyqpaǵan.
Amerıkalyq boksshy 20 jekpe-jeginde qarsylasyn nokaýtpen utqan. Al bul nátıjesin Gennadıı Golovkınmen salystyrýǵa kelmeıdi. Otandasymyz 38 jekpe-jek ótkizip, tek Saýl Alvareske qarsy kezdesýinde ǵana teń tústi. 33 jekpe-jeginde qarsylasyn nokaýtpen utqan.
Aıta keteıik, Golovkın men Martırosán arasyndaǵy kezdesý AQSH ýaqytymen 5 mamyr kúni Karson qalasynda (Kalıfornıa shtaty) StubHub sport kesheninde ótedi. Astanada ýaqytymen jekpe-jek 6 mamyr kúni shamamen 9:00-de bastalady.
Qazirgi ýaqytta bul kezdesýdi birde bir Qazaqstandyq telearnalar Golovkın men Martırosán arasyndaǵy kezdesýdi kórsetetinin habarlamady. Buǵan deıin Golovkınniń kezdesýin QazSport jáne Qazaqstan arnalary tikeleı efırden kórsetken bolatyn.
Tikeleı efırde bul kezdesýdi HBO, "Mach TV", "Mach! Boes" jáne BoxNation arnalary tikeleı efırde kórsetedi.
Kezdesýdiń tikeleı efıriniń siltemesi jekpe-jek bastalarǵa deıin shyǵady. Siltemeler jekpe-jek kezinde de shyǵatynyna nazar aýdarýlaryńyzdy suraımyn. Sonymen qatar sizder de jekpe-jektiń siltemesin pikir retinde qaldyra alasyzdar.
