8 mamyrda reseılik BAQ Jomart Ertaevtyń ustalǵanyn habarlady, dep jazady Qamshy.kz aqparat agenttigi today.kz-ke silteme jasap.
Qazaqstandyq ta, reseılik te tarap resmı túrde aqparatty ázirge rastaǵan joq. Beıresmı aqparatqa sáıkes, Ertaev iri kólemde alaıaqtyq jasady dep aıyptalyp otyr. Onyń ALMA Group-tegi qyzmetimen baılanysy bar joǵy ázirshe belgisiz.
Jomart Ertaev — Qazaqstannyń qarjy salasynda tanymal. Onyń ustalǵany rastalsa otandyq qarjy sektory men onda júrgenderdiń jaǵdaıy qandaı bolmaq? Bul suraqqa qarjy sarapshysy Rasýl Rysmambetov pen ekonomıkalyq sholýshy Denıs Krıvosheev jaýap berdi.
Eki sarapshy da Jomart Ertaev birneshe qazaqstandyq bankterdi «joq qylatyn» aqparat biledi degen oıda.
Rasýl Rysmambetovtiń oıynsha, Jomart Ertaev otandyq bank júıesiniń osal tustarynan habardar. Sebebi ol 1990 jyldary qazaqstandyq qarjy uıymdarymen jumys istegen.
«Ol aksıonerlerdiń qalaı jumys isteıtinin jaqsy biledi. Onyń tutqyndalǵany Qazaqstannyń bank júıesine áser etpeıdi. Desek te Ertaev aksıonerlerdiń jaqsy jáne jaman tustaryn jaqsy biledi. Olardyń keıbirin tipti shetelde júrgen qazaqstandyq bankırlerdiń ózi eske alýǵa batpaıdy» dedi Rasýl Rysmambetov.
Sarapshy Jomart Ertaev pen Marǵulan Seısembaevtyń arasynda bolǵan daýdy eske aldy. Olar bir-birine kompramaty bar ekenin astarlap jetkizgen.
"Naqty ne biletinin bilmeımin, biraq keıbir qazaqstandyq bankterdi «joq qyla alatyndaı» aqparat biledi dep oılaımyn" deıdi Rysmambetov.
«Jomart Ertaev naqty qandaı kúdikpen ustalǵanyn bilmeımin, biraq túbi RBK men Qazaq banktermen baılanysty. Bul bankterdiń qujattarynda onyń qoly joq, alaıda ol osy bankterdiń aksıonerleriniń birine keńesshisi bolǵan. Jomart Ertaev kiná artýǵa yńǵaıly adam. Ol shetelde turady, onyń esimi qazaqstandyq BAQ-ta bank tóńiregindegi daýǵa qatysty birneshe márte ataldy» deıdi Rysmambetov.
Ekonomıkalyq sholýshy Denıs Krıvosheev te qazaqstandyq bankterdiń qurylý tarıhy týraly kóp qyzyqty aqparat biledi degen oıda.
«Ertaevtyń ne istegeni emes ne aıtatynyn eskerý kerek. Eger Ertaevty shynymen ustasa, 25 jyldyq bank sıkly aıaqtalady» deıdi Krıvosheev.
