Ulttyq Bank el azamattaryna WhatsApp jelisinde birqatar qazaqstandyq bankterdiń turaqsyz jaǵdaıy týraly jalǵan aqparat tarap jatqanyn eskertti.

Mundaı qaýesetti taratýshylar QR Ulttyq bankiniń 2017 jylǵa deıingi qyzmetiniń nátıjeleri týraly málimetterdi jarıalap jibergen, dep dep jazady Qamshy.kz aqparat agenttigi Ulttyq banktyń baspasóz qyzmetine silteme jasap. 

«QR Ulttyq Banki mundaı aqparat Ulttyq Banktiń jyl saıynǵy esebinde de, qarjylyq turaqtylyq týraly esepte de, tipti basqa qujatta da joq, al tarap ketken málimetter jalǵan aqparattar», - dep málimdedi eldiń qarjy baqylaýshysy.

Ulttyq Bank tarap ketken esepter banktyń ózi týraly aqparat ekenin aıtady. Sonymen qatar onda qarjy júıesiniń jáne basqa da fýnksıalardyń makroekonomıkalyq jaǵdaılary jónindegi málimetter bar.

«Ulttyq Bank, qarjy naryǵyndaǵy retteýshi retinde, jeke bankterdegi nemese basqa qarjy ınstıtýttaryndaǵy qarjylyq jaǵdaı týraly aqparatty taratpaıdy. Qarjy ınstıtýttarynyń jaǵdaıyn baǵalaý qadaǵalaý praktıkasy sheńberinde júzege asyrylady, sodan keıin qajetti túzetýler qabyldanady. Tıisinshe, Ulttyq Bank  qarjy ınstıtýttarymen qarjy naryǵyndaǵy qyzmetti júzege asyrýǵa lısenzıa berýdi toqtata turý týraly der kezinde aqparat beredi», - dep habarlady Ulttyq banktiń baspasóz qyzmeti.

Ulttyq Bank bank sektoryn jetildirý jáne bankterdiń ekonomıkany kredıtteý úshin makroekonomıkalyq jaǵdaılardy jaqsartý aıasynda qazirdiń ózinde qabyldanǵan sharalardyń nátıjelerin baqylap otyrǵanyn atap ótti.

Jalǵan aqparat taratqandardy anyqtaý úshin Ulttyq Bank quqyq qorǵaý organdaryna shaǵymdandy.