Kúndelikti ómirde ár adam basqa adamdarmen aralasady, ıaǵnı ózara aqparat, tájirıbe, bilimder, bilikiter, daǵdylar almasady. Bul  adamdar arasynda birlesken is-áreket qajettiligin týǵyzyp, baılanys ornatatyn kúrdeli proses  qarym-qatynas dep atalady. Demek, qarym-qatynastyń qalyptasýy adamnyń minezine baılanysty.

Qarym-qatynastyń túrleri kóp. Mysaly, týysqandardyń qarym-qatynasy nemese shákirt pen ustazdyń qarym-qatynasy, ǵashyq adamdar arysyndaǵy qarym-qatynas jáne t.b. Máselen, ata-analar jáne balalar qarym-qatynasy eń jaqyn týysqandardyń qarym-qatynasyn aıtýǵa bolady. Keıde bapkelerimiz ben ustazdarymyz týǵanymyzdaı bolyp ketedi. Men sportpen shuǵyldaný barysynda eń jaqyn dostarymnyń biri, ári bápkerim marqum Serik aǵamen jaqsy dostyq qarym-qatynasta boldym. Ol maǵan bes jyl ishinde týǵan atam sıqty bolyp ketti. Sondaı-aq, maǵan jáne meniń ápkeme óte jaqyn ustaz ol Edilbaı aǵamyz. Onyń arqasynda meniń ápkem Bolashaq stıpendıasyn utyp aldy, ol bizdi qazaq tilin jetik meńgerýge úıretedi. Meniń oıymsha, eger bizdiń elimizde Edil aǵa sıaqty mamandar kóbirek bolsa, bizdiń qoǵamymyz óte saýatty ári bilimdi  bolatyn edi. Sonymen qatar, adamdardyń ǵashyqtyq qarym-qatynasyn da joǵary baǵalaımyz. Adamadar ǵashyq bolyp úılenedi, ıaǵnı otbasyn qurady. Ózara súıispenshilikten quralǵan otbasy berik bolady.

Árıne, qarym-qatynastyń paıdasy óte zor, óıtkeni adamdar bir-birimen aralasyp, ár túrli tájirıbe almasady, bir-birine qoldaý kórsetedi. Degenmen keıde týystyq nemese dostyq qarym-qatynastar oryndy qoldanbaýdyń saldarynan jemqorlyq týyndaýy múmkin. Bul qoǵam men elimizdiń damýy úshin óte qaýipti. Sondyqtan, jumys nemese qyzmet barysynda týystyq jáne dostyq qatynysty qoǵam múddesinen joǵary qoımaýymyz kerek.  

Qorytyndylaı kele, adamdar arasyndaǵy qarym-qatynas óte qajetti áreket. Ol adamnyń qoǵam múshesi bolyp qalyptasýy men damýyna úlken yqpal etedi. Biraq týystyq qatynastardy memlekettik múddeden joǵary qoıýǵa bolmaıdy.

Ýalıhan Daýren,

Kımep Ýnıversıteti