QR Densaýlyq saqtaý mınıstri Eljan Birtanov menıngıtten qorǵaný úshin medısınalyq maskalardy kún saıyn taǵyp júrýdiń qajettiligi joq deıdi.  Bul jaıynda Qamshy.kz aqparat agenttigi habarlaıdy. Konferensıada mınıstr mınengıtke baılanysty málimdeme jasady.

—  Dárihanalarda aýrýdan saqtaný úshin medısınalyq maskanyń, dári dármektiń baǵasy artqany ras. Oǵan mınıstrlik jaýap bermeıdi. Sebebi, jekemenshik dárihanalar baǵany ózderi qoıady. Aldaǵy ýaqytta Elbasynyń buıryǵymen baǵany  birizdilikke túsirý jolǵa qoıylady, -  dedi mınıstr. 

— Medısınalyq maskalardyń tıimdiligen keler bolsaq, aýrý aýa arqyly beriledi. Maskany kópshilik jerde taǵyp júrgen durys.  Al ony kúni boıy taǵyp júrýdiń qajettiligi joq, kerisinshe taza aýada maskasyz júrgen paıdaly, - dedi mınıstr Birtanov. 

Sonymen qatar, mınıstr qaıtys bolǵandardyń týystaryna qarjylaı kómek kórsetý qolǵa alynbaǵanyn aıtty.

Konferensıa barysynda mınıstr  menıngıtke baılanysty suraqtarǵa jaýap beretin Call Center iske qosylǵanyn aıtty. 

Buǵan qosa, QR densaýlyq saqtaý mınıstri Eljan Birtanov menıngokok ınfeksıasyna qarsy vaksına baǵasyn arzandatý boıynsha jumystar júrgiziletinin málimdedi.

Aıta keteıik, keshe Taldyqorǵanda 17 jastaǵy stýdent jigit menıngıten kóz jumdy. 

Keshe Astanada menıngokok ınfeksıasyn juqtyrdy degen kúdikpen jansaqtaý bólimine eki jastaǵy bala jetkizildi.

Qazaqstan Respýblıkasy Densaýlyq saqtaý mınıstrligi Qazaqstan turǵyndaryna keńes berdi. 

Aıgerim Taýbaı