Temir tósekte tósenishsiz jatqan naýqasty kórgen densaýlyq saqtaý mınıstri aýrýhananyń bas dárigerin jumystan qýdy, dep habarlaıdy Eýrazıa telearnasy.

Almaty oblysyna arnaıy barǵan Eljan Birtanov aımaqtaǵy barlyq aýrýhanalardy óz kózimen kórip, jedel járdem kóligin saǵattap kútetin turǵyndardyń shaǵymyn da tyńdady. Menıngıt meńdegen megopolıstegi jaǵdaıdy ózi baqylaýǵa aldy. Sondaı-aq, bas dáriger bes jasar bala men jeńgesiniń ólimi dárigerlerdiń taza qylmysy dep kesip aıtty. 

Mınıstr ushaqtan túse sala áýeli Talǵar aýdandyq aýrýhanasyna bet aldy. Óıtkeni, bes jasar bala men jeńgesiniń ólimine týǵandary dál osyndaǵy dárigerlerdi kinálaǵan edi. Ystyǵy kóterilip, 40 gradýspen túsken naýqasty tún ortasynda qabyldamaı, Qaskeleńdegi juqpaly aýrýlar aýrýhanasyna jibergeni bar. Ony estigen mınınstr barlyq áriptesterin suraq astyna aldy.

«Qalaı bolǵan sonda? Talǵar aýdanynyń turǵynyn Qaskeleńge qalaı jibergensizder? Eshqandaı elde juqpaly aýrýǵa shaldyqqan naýqasty tek juqpaly aýrýlar aýrýhanasyna qaralý kerek degen qatyp qalǵan qaǵıda joq! Sizderdegi ne zań ol?! Bul qylmys!» - deıdi QR Densaýlyq saqtaý mınıstri Eljan Birtanov.  

Osylaısha 19 jastaǵy qyzdyń óliminen soń Talǵar aýdandyq aýrýhanasynyń qatyp qalǵan zańy ózgerdi. Alaıda, maman tapshy kórinedi. Bul aýdannan soń Birtanov Esik qalasyna, odan keıin №12 aýrýhanaǵa bas suqty. Aıaq asty barsa kerek, túngi 12-de syrtta kezek kútken naýqas kóp. Jaǵasyn ustaǵan mınıstr úıinde uıyqtap jatqan dárigerlerdi jumysqa shaqyryńdar dep ashýlana buıyrdy.  

«Myna jerde qansha adam tur? Bes júzge tarta naýqasqa úsh dáriger masqara ǵoı? Shaqyryńdar úıinde jatqan dárigerlerdi! Qosymsha oryn ashyńdar degenime eki kún boldy ǵoı? Jaǵdaıdy ózderiń ýshyqtyryp jatyrsyńdar! Mundaǵy úsh-aq adam menıngıtke shaldyǵýy múmkin» - deıdi QR Densaýlyq saqtaý mınıstri Eljan Birtanov.  

Jergilikti densaýlyq saqtaý basqarmasy men shendilerdiń mazasyn túngi úshke deıin alǵan Eljan Birtanov nókerlerimen tań ata taǵy Qaskeleńdegi juqpaly aýrýlar aýrýhanasyna bardy. Munda da jedel járdemdi saǵattap kútken turǵyndar, áli bir ekpe egilmegen naýqas kóp. Mınıstrdi kórip birinen soń biri botadaı bozdap shaǵymdandy.   

- Mine, túngi on ekide men jylaǵan soń bir-aq keldi. Ne bolyp jatyr? Ne sumdyq? Soǵys pa?  ot 300 vyzovov v sýtkı. Vıdımo peredalı kak temperatýra.  Slýshaıte, vy smotrıte televızor? Znaete chto tvorıtsá v strane? 

Ol azdaı, temir tósekte tósenishsiz jatqan naýqasty kórgen mınıstr tipten ashýlandy. Aýrýhananyń bas dárigeri olqylyqtyń ornyn toltyramyz dep qansha túsindirmek bolǵanymen, Erjan Birtanov qolyn bir siltep, ony jumystan qýyp shyqty. 

- Prám prýjınada jatyr.

- My ıspravımsá. Slýchaıno polýchılas

- pozdno ýje ıspravlátsá rabotat nado. 

Sóıtse, Qaskeleńdegi bul aýrýhana ótken jyly tekseris kezinde qatty synǵa iligipti. Maýsym aıyna deıin túzelemin degen dárigerlerge 20 aılyq eseptik kórsetkish aıyppul da salynǵan. Biraq, esh ózgerissiz. 

Al, barlyq aýrýhanalardy aralap bolǵan soń mınıstr jýrnalısermen baspasóz otyrsyn ótkizdi. Jaǵdaı bir qalypty deıdi. Búginge deıin 59 adam juqpaly dertke shaldyqsa, 13 naýqas qaıtys bolǵan. Onyń altaýy Almaty oblysynda. Biraq, Birtanovtyń mazasyn alǵan menıngıtten megapolıs sońǵy úsh kúnde tynysh. Onyń ózin dárigerler ýshyqtyryp jatyr dedi»